Home Cultura Fundacion ‘Artistar’ Artistanan cu Amor pa Arte a organiza Festival Mexicano dedica...

Fundacion ‘Artistar’ Artistanan cu Amor pa Arte a organiza Festival Mexicano dedica na mucha

39
0
SHARE
- Advertisement -

ORANJESTAD (AAN): Fundacion ‘Artistar’ Artistanan cu Amor pa Arte a anuncia cu nan a organiza un Festival Mexicano dedica na muchanan.

Segun Señora Bertha Wolff, presidente di e fundacion, e festival tin 3 seccion cu ta infantil, pre hubenil y hubenil. Tur cantante lo worde compaña pa Mariachi Perla di Aruba cu ta celebrando tambe nan 6 decada.

Fundacion Artistar tin como meta pa promove tur loke ta arte y nan a cuminsa cu muchanan cu a haya e oportunidad pa canta tambe cancionnan Mexicano cu ta un cultura mundial y hopi gusta na Aruba.

Mirando cu un festival asina bunita unda hopi mucha tabata participa den pasado cu acogida grandi y hopi tempo a pasa sin scucha e voznan angelical, pesey Fundacion Artistar a dicidi pa haci invitacion pa un comeback fenomenal e aña aki durante vakantie grandi 2017.

Sra Dilailah Croes, tesorero di e fundacion kier a agrega cu nan ta invita tur hende pa asisti e grandioso festival aki dedica na nos muchanan! Esaki lo tuma lugar na Cas di Cultura, cuminsando 4’or di atardi riba dia 6 di Augustus 2017. Reserva e dia aki pa mira un Festival Mexicano grandioso!
 

- Advertisement -

DUNA COMENTARIO

Please enter your comment!
Please enter your name here