Home General Fundacion Rancho cu colaboracion di Arte Sano Foundation

Fundacion Rancho cu colaboracion di Arte Sano Foundation

57
0
SHARE
- Advertisement -

ORANJESTAD (AAN) — Pa Fundacion Rancho tabata un honor pa por a yega na un acuerdo cu Arte Sano Foundation. E proceso pa yega na e acuerdo a bay y bin pa basta tempo, pero sigur e ta un logro hopi importante pa fundacion Rancho. Mirando e trabou cu Arte Sano ta haci y lo haci pa e proximo 6 lunanan ta sumamente importante pa e bario di Rancho.

“E deseo cu Arte Sano tin, ta pa yuda cu diferente aspecto social”.

Sr. Rosa ta bisa cu e proyecto lo trece un desaroyo positivo pa e habitantenan den Rancho y pa henter Aruba. Esaki ta un punto importante mirando e meta cu Arte Sano ta bin cune ta pa; duna sosten na e persona nan cu tin riesgo, pa asina nan tin algo di hasi”. E colaboracion aki lo prospera den e sentido cu e lo por trece cambio y desaroyo pa e comunidad cu lo bay haya atencion den Centro di Actividad Rancho pa medio di ArteSano.

Sra. Claudia Ruiz-Vasquez, iniciador di Arte Sano Foundation ta contento cu colaboracion cu lo bay tuma lugar. “E metanan di e nos fundacion a trece nos hunto”. E bario di Rancho ta importante pa Arte Sano pasobra nos ta compronde e historia y desaroyo di e bario, tambe nos duna sosten pa conserva e herencia cultural di e bario.

E meta tras nos proyecto “Graduates training and rehabilitation” ta pa duna vocal training y sosten na e personanan cu riesgo. Esaki ta adictonan y hoben nan di prison. Nos tin un grupo cu nos ta traha cu ne caba. Cu e apoyo di fundacion Rancho nos tin un lugar pa ehecuta nos proyecto cu ta: Centro di Actividad Rancho. E Graduate nan lo siña y traha diferente disciplina di arte. Na final lo bende e arte/producto cu wordo traha”, el a laga sa.

- Advertisement -

DUNA COMENTARIO

Please enter your comment!
Please enter your name here