Home Policial Homber detene pa cumpra auto “Te Koop” sin prueba

Homber detene pa cumpra auto “Te Koop” sin prueba

412
0
SHARE
- Advertisement -

ORANJESTAD,(AAN);–  Patruya Oranjestad diaranzon atardi pasa di 6’ or a wordo dirigi mesora tras di Flores Supermarket situa na Sero Patrishi na unda denunciante a reconoce su auto y tambe el a mira con un  homber a staciona e vehiculo riba tereno cas encuestion.

Den un fraccion patruya a presenta na e cas number 104. y nan a wak un homber ta baha for di un Nissan Sentra blauw plachi number A-52215 cu tabata staciona riba cura pabao di e cas. Polisnan a bay atende e homber y nan a puntra e homber di ken e auto ta y el a declara cu e auto ta di dje.

El a bisa cu un dia prome el a cumpra e vehiculo pa 1000 florin.

Polis a puntra e homber di ken el a cumpra e auto. E homber a contesta e polisnan cu e no sa nomber di e persona for di cual el a cumpra e vehiculo y cu e auto tabata staciona na Santa Cruz banda di caminda publico na haltura di e restaurant “Shahai’ y cu “te koop”.

Polis a puntre e homber si el a haya recibo (comprobante) ora el a cumpra esaki y el a laga sa di no a haya comprobante di e bendedo. Polisnan a detene e homber sospechoso atardi 6 or y mey.

Polis puntra e homber pa su nomber y el a  bisa cu e ta O.D. Croes naci 27 mei 1992 biba na Sero Patrishi. Polis listra e sospechoso na su paña y no a haya nada den su poder cu ta contra ley a bis’e su derechonan.

A transport’e pa warda y a present’e dilanti fiscal auxiliar. E Nissan Sentra A-52215 a wordo confisca pa mas investigacion y takelwagen a tow e.

- Advertisement -

DUNA COMENTARIO

Please enter your comment!
Please enter your name here