Home Turismo Hotel Riu Palace Antillas a gana Premio Gold di Travelife

Hotel Riu Palace Antillas a gana Premio Gold di Travelife

51
0
SHARE
- Advertisement -

ORANJESTAD (AAN): Recientemente e bon noticia a drenta, cu Hotel Riu Palace Antillas na Aruba, a gana premio “Gold” pa 2016 y 2018 di Travelife.

Travelife ta dedica pa haci vakantie mas sostenible, y ta traha cu negoshinan rodn mundo pa asina nan mehora nan impactonan social, economico, y medio ambiente.

E certificacion di Travelife ta un premio internacionalmente reconoci pa Hotelnan y demas negoshinan di turismo, cu a logra di yega na standardnan halto di maneho pa cu medio ambiente.

Nan mes ta audit e Hotelnan y ta ricibi clasificacion segun nan prestacion.

Pa Riu Palace Antillas a haya e premio aki, nan mester cumpli cu numeroso criteria manera nan reglanan pa compra cu ta cuadra cu medio ambiente, reciclahe, maneho di energia y awa, como tambe e implementacion di responsabilidad social corporativo pa cu empleadonan y comunidad local tambe.

DIARIO ta na altura cu Riu Palace Antillas ta activamente envolvi pa hiba un bida mano a mano cu medio ambiente, haciendo uso di luznan cu ta spaar energia, ta yuda organiza beach cleanup, y hasta Bubali Plas cleanup cu empleado y hasta turistanan, y nan tin hasta mata di lamunchi planta riba nan tereno, cu ta wordo muha cu awa recicla, y e lamunchi cu crece ta wordo usa den Bar y Cushina di e Hotel.

Pabien na Riu Palace Antillas Aruba cu e bunita premio aki, bon mereci.

 

- Advertisement -

DUNA COMENTARIO

Please enter your comment!
Please enter your name here