Home Comentario IBiSA por splica di con no tin Olympiada Escolar mas?

IBiSA por splica di con no tin Olympiada Escolar mas?

14
0
SHARE
- Advertisement -

Opinion Publico

ORANJESTAD (AAN): Un lector a indica, cu el a nota con e Directora di IBiSA a elabora recien den prensa, riba e bon acogida cu e bus di salud den nos comunidad  cu ta señala cu reaccion positivo y cu entusiasmo.

Nan a logra e meta ya a controla mas cu 20 mil ciudadano pa asina nan por haya mas dato pa por uza pa desaroya un maneho.

IBiSA ta existi desde aña 2012, y pueblo kier sa awor na 2017 kico IBISA a haci pa promove Deporte den comunidad?  Mescos cu a duna relato di e bus di salud, bon idea pa bin cu dato cuanto hendenan cu ta practica deporte.

IBiSA no ta bus di salud so, IBIsA mester promove mas deporte den barionan, tambe na scolnan unda deporte escolar no ta manera cu mester ta.

Pueblo kier sa, unda e famoso “Olympiada Escolar” ta?  E tabata un actividad unda casi tur scol tabata participa na dje.

Pueblo kier sa, unda placa pa materialnan deportivo pa e scolnan a keda?  Ta hopi scol NO tin material deportivo pa cumpli cu alumnonan durante nan lesnan di gymnastiek.  Ken ta para responsabel pa cu esaki?

Tin di corda cu ta IDEFRE a inicia cu e proyecto aki cu yen orguyo y energia…  pero el a “caba na nada” bao di e maneho di IBiSA.  Parce cu IBiSA su prioridad a cambia, y a bira “salud” y “check presion”, “check peso”, unda tin un dokter riba dje y den futuro un verpleegster diploma, ect.  Esey ta e meta prinicipal di IBiSA awor?  Esey no ta tarea di Volksgezondheid tog?  Di con e ta poni bao di IBiSA y ta usurpando tur e presupuesto?

Si acaso a laga e Bus di Salud duna un ECG Cardiogram Test pa curazon di tur atleta hoben (cosnan cu otro paisnan ta haci awor regularmente).  Ta importante pa tur atleta den preparacion, haci e Electrocardiogram Test aki cu por yuda detecta cualkier abnormalidad cu e curazon.  Pasobra ta hopi atleta rond mundo a fayece debi na curazon, net ora nan ta practicando nan deporte.

Pero ni esey IBiSA no ta haci.

Na Aruba ta ser bisa tur caminda, cu IBiSA a worde lanta pa un grupito haya trabao esey bo ta wak awor tambe unda e meta principal di e departamento aki ta NO riba deporte.

Tur a caminata-, caredanan, etc., cu ta worde organiza ta bin di organizacionnan deportivo, social cu nan meta pa recauda fondo y na di dos lugar movimento.

Cuanto actividad gobierno su departamento cu ta IBiSA mes ta organiza pa su pueblo???  Cuanto actividad IBiSA ta haci pa esnan cu tin problema cu sobrepeso of  presion halto cu ta worde constata riba e bus gratis ey?  Siendo cu tur caminata y careda ta cobra y den e periodo aki unda mester bira cada Florin y pa un famia pa participa ta basta placa.

- Advertisement -

DUNA COMENTARIO

Please enter your comment!
Please enter your name here