Home General Inscripcion digital di empleado ta na vigor for di dia 1...

Inscripcion digital di empleado ta na vigor for di dia 1 di Juli

93
0
SHARE
- Advertisement -

ORANJESTAD (AAN): Registracion digital ta algo cu SVB a introduci y ta importante pa sa con e ta canando. Con e reaccionnan ta. Christiaan Garcia kende ta funcionario di riesgonan di seguronan di SVB, a splica cu den cuadro cu e vision 2020, a introduci entrante 1 di Juli 2017 loke ta e inscripcion digital di empleadonan.

El a wordo encarga directamente na e dunado di trabao, caminda cu el a actualisa su informacion cerca SVB, di momento cu nan a actualisa e informacion di e compania, a bin na remarca pa haci uzo di e inscripcion digital. E ora eynan nan ta haya un account, un password y nan por haya e formulario disponibel unda cu nan ta pone e informacion di e informacion.

E ta bira e forma digital. Un forma hopi mas facil, caminda cu e empleado no mester pasa mas SVB cu formulario roos, caminda cu nan ta inscribi directamente na SVB, pero e doño di trabao ta haci esaki, caminda cu ta evita perdemento di tempo, gasolin, etc. Ta un servicio hopi mas facil caminda cu SVB ta duna di su parti tambe pa e dunado di trabao por haci esaki hopi mas facil tambe.

Satisfecho

Segun Garcia, esaki ta parti di futuro, mirando cu vision 2020, tur proceso ta digitalisa y tur hende tin acceso 100% riba nan website, unda cu nan ta haya tur servicio digital. Ta parti di nan vision, pero ta parti di nan drukte cu tin na SVB desde aña pasa, unda cu a menciona boet y inscripcion pa motibo di Dimas. Ta haya cierto motibo pakico SVB ta druk cu inscripcion. E ora nan ta haya e necesidad pa introduci e inscripcion digital un tiki mas lihe di loke e ta premira. Esaki ta e parti cu nan ta cumpli cun’e y entrante 1 di Juli, esaki a drenta na vigor.

E sistema

Esaki ta un proyecto apart di e inscripcion. E no ta mara na nos ley ainda. El a wordo introduci den forma di proyecto caminda cu e dunado di trabao si e kier haci uzo di dje, por haci uzo di dje. E no ta un obligacion cu e ta solamente digital. Obviamente esnan cu toch ta un tiki anticua, por haci uzo di e loket, unda nan ta manda nan empleado pa inscribi na SVB.

Con hopi up to date SVB ta

Den momento cu e inscripcion ta drenta den forma digital, e dunado di trabao ta haya un notificacion di loke nan a manda pa SVB. Den e momento cu e drenta, ta haya notificacion tambe cu un inscripcion drenta digital. Un empleado cu ta encarga pa haci e inscripcion, ta traha riba dje y na e momento cu e aproba e inscripcion, e dunado di trabao tambe sa e ora cu e inscripcion a bay. E ta haya su aprobacion tambe, mediante un notificacion riba su email.

 

- Advertisement -

DUNA COMENTARIO

Please enter your comment!
Please enter your name here