Home Labor Judelca Briceño di Oficina di Labor ta splica con proceso di keho...

Judelca Briceño di Oficina di Labor ta splica con proceso di keho y retiro di trahador ta bay

107
0
SHARE
- Advertisement -

 

ORANJESTAD (AAN) – Judelca Briceño, funcionario di Arbeidszaken, a splica, den entrevista cu Matutino DIARIO, tocante e manera con kehonan di trahador ta wordo procesa.

Despues cu e trahador entrega un keho na Departamento di Keho, e controladornan ta tuma contacto cu e doño di trabao pa wak kico ta e problema.

E tarea di e funcionarionan aki ta trece e dunador di trabao y e trahador na otro. Nan ta intermedia. “Pero naturalmente, nos no por forza algo cu no ta bay mas. Nos tarea ta pa trece nan hunto pa busca un solucion, na unda tur dos ta sali bon di dje. Pero e por tin diferente consecuencia; por ta e persona no kier bin traha bek, of ta wordo ofreci un pakete of un suma di placa na e persona pa e bay, pero esaki ta keda un decision di tur dos partido”, sra. Briceño a subraya.

El a splica cu ora e partidonan no por bin na otro, depende di e salario di e trahador si e ta bin na remarca pa un abogado liber.

“Pa e bin na remarca pa un abogado liber, nos ta manda un carta na Departamento di Asunto Social, y di ey ta cana e caminda pa Huez. Esey no ta mas den nos teritorio di trabao. Esey ta e proceso den nos departamento di keho”, sra. Briceño a subraya.

Tin un par di leynan den plan, manera vakantieverordening, e ley di ontslag (retiro), cu ta para pa Departamento di Labor su di dos etapa di modernizacion di e leynan laboral. Sra. Briceño a menciona cu esaki ta algo cu ta pendiente y mester bay traha riba dje, pero na momento cu un doño di trabao kier kita un empleado, e ora ey ta bay na e parti di ontslag na unda e ta bay haci un peticion di retiro.

“Na e momento ey si, no ta sin mas un doño di trabao por kita e trahador si e no kier. Na momento cu tur dos ta firma cu e contrato no ta sigui mas, y e trahador ta bay, e ta cla. Nos a yega na un acuerdo”.

Si e no ta di acuerdo e ta pasa pa Huez y e doño di trabao pa por kita e trahador pasobra e tin un problema na pia di trabao, e ta mucho AO, of otro, e mester presenta tur e pruebanan di esaki pa e por retira e persona.

 

- Advertisement -

DUNA COMENTARIO

Please enter your comment!
Please enter your name here