Lo tuma decision riba posible “accion”: Trahadornan di companianan di Heavy Equipment cu reunion urgente cu Sindicato

ORANJESTAD (AAN): Un informe urgente emiti Dialuna atardi, ta indica cu Sindicato STA ta yamando un reunion urgente.

Esaki ta valido pa tur empleado di Thiel Corporation/Resources, Albo Aruba NV, Arubaanse Wegenbouw Maatschappij NV, Bohama, Croon, CHS, y tur demas Heavy Equipment, pa un reunion di urgencia.

E reunion aki lo ta Diamars dia 18 di Juli 2017, na Centro di Bario Tanki Leendert.  Esaki ta cuminza pa 7:00 pm.

Na e reunion aki, lo tin e.o. como Punto di Agenda, “Ultimo Desaroyonan den mundo di Construccion Green Corridor, y Watty Vos Boulevard.”

Ademas di esaki, lo busca aprobacion pa un “accion” tambe.

Sindicato STA ta pidi tur miembro y esnan interesa pa acudi na esaki.