Home Policial Mama obliga di defende su mes cu arma contra yiu homber...

Mama obliga di defende su mes cu arma contra yiu homber agresivo

697
0
SHARE
- Advertisement -

ORANJESTAD   (AAN);  Tabata diamars merdia 2 or y 20 , central di polis a dirigi patruya Oranjestad na un direccion den Pita straat (compleho di apartamento) na unda e homber inicial G.E. tabata di remate y  tur cos den cas el a destrui y tambe el a menasa su mama cu cuchio.

Patruya na yegada a papia cu e mama y el a declara cu su yiu homber G.E. di 17 aña un rato prome tabata masha agresivo y a cuminsa kibra tur cos den cas.

Despues e mama a bay sconde den camber y su yiu homber tabata bati cu mokete te ora cu el a destrui e porta. Ademas su man a keda pega den porta cu consecuencia cu su man a sufri rasca.

E yiu a logra habri e porta y el a cuminsa grita su mama varios biaha ”Bo kier mi matabo! ”.

Despues G.E. a bin riba e mama y e ultimo a saca un cuchio pa defende su mes contra di yiu homber cu tabata di remate debi no ta prome biaha cu su yiu homber ta menase.

Cu e acto e yiu homber a lagu’e los y el a probecha pa core bay pafo pa scapa asina di su yiu homber.

Polis despues di a scucha e version nan a bay habri porta apartamento  G.E. ta sinta den sofa y a lanta mesora ora el a wak polis y agentenan a bise cu nan ta bay detene y a ordene pa e drumi na suela. Pero G.E. a pone posicion pa bringa y a grita e polisnan “Bin No”.

Polisnan a bay riba G.E. y nan manda vloer y a pone mesora den boeinan. Despues di e detencion el a wordo bisa su derechonan y a transporte pa warda y a presente dilanti fiscal auxiliar. Ta di spera cu e hoben aki wordo trata riba corto plazo e mester yudanza profesional pa evita e bira mas agresivo.

- Advertisement -

DUNA COMENTARIO

Please enter your comment!
Please enter your name here