Home Turismo Mexico sigur ta un mercado interesante pa e turismo na Aruba

Mexico sigur ta un mercado interesante pa e turismo na Aruba

14
0
SHARE
- Advertisement -

ORANJESTAD(AAN): Armando Bojorques Patron ta representa un empresa turistico na Mexico cu tin casi 60 aña. E Mexicanonan tin hopi interes pa conoce destinonan interesante. Mexicanonan ta di turismo aventurero y ta busca otro alternativanan pa biaha.

Aruba tin por ehempel algun cos cu ta yama atencion na e Mexicano. Apart di e beachnan bunita, apart di tin luganan interesante pa deporte nautico, e tin cosnan por ehempel cu ta yama atencion na e Mexicano, e zona liber pa e Mexicanonan. E casino pa e Mexicano ta yama su atencion. Un di e principal mercadonan pa Las Vegas, ta e Mexicanonan.

Pero e destinonan cu na un momento determina ta probecha e Mexicanonan cu den algun manera ta gustoso, nan gusta casino. Tin destinonan cu nan sa di probecha y e Mexicanonan nan gusta consumi y gasta. Nan gusta e ambiente y e folklore. Segun Bojorgues, Aruba por ta un destino hopi interesante pa e turismo Mexicano.

Nan ta wak’e y lo mir’e, aunke e ta yegando ainda poco turismo pa motibo di e conectividad. Pesey a plantea alternativanan cu e Gobierno di Aruba cu proximamente busca algun aerolinea cu por organisa charter pa un inicio of mira formanan di miho conectividad pa mas Mexicano bishita Aruba.

Sigur nan ta hopi contento y sigur cu despues lo tin gran alternativa. Entre otro cosnan tin mercado manera esun di e turismo di aventura, e turismo nautico, turismo di casamento. Mexicano ta busca cosnan diferente pa nan casa, pa celebracion di 15 aña, celebracion di cumpleaños. Tambe turismo di incentivo, turismo di convencion.

E por ta hopi interesante pa e niche di e mercado di Mexico por pensa riba Aruba.

Bojorgues ta sigur cu un poco di voluntad entre ambos parti y cu nos traha hunto entre e confederacion, e empresanan mayorista di Mexico y e empresanan di turismo di Aruba, cu e apoyo tambe di e embahador di COTAL por logra pronto un mayor conectividad entre Mexico y Aruba cu sin duda lo logra obhetivonan grandi y pronto lo mira frutonan hopi importante.

 

 

- Advertisement -

DUNA COMENTARIO

Please enter your comment!
Please enter your name here