Home Gobierno Minister Sevinger ta splica kico proyecto Watty Vos Boulevard ta encera

Minister Sevinger ta splica kico proyecto Watty Vos Boulevard ta encera

78
0
SHARE
- Advertisement -

ORANJESTAD (AAN) – Minister Benny Sevinger, titular di Infrastructura, a yama un conferencia di prensa pa trata e tema di Watty Vos Boulevard, cu ta un proyecto cu hopi hende no ta compronde, segun e mes a expresa.

Ta pa e motibo aki gobierno a haya importante pa splica kico e proyecto aki ta encera, y cuanto trabao e ta crea pa nos comunidad.

Esaki ta un di e cuater proyectonan di mas grandi cu pa mas cu trinta aña a wordo planea y cu awor ta den ehecucion.

Cada un gobierno a traha un tiki riba e proyectonan aki pero esun na mando, a pone como meta realiza nan, Benny Sevinger a splica.

E cuater proyectonan aki ta:

  • MUDAMENTO DI WAF: E mudamento aki ta practicamente termina y aworaki nan ta bezig ta pinta e mapanan di loke gobierno ta bay haci riba e terenonan cu a keda bashi.
  • GREEN CORRIDOR: E cuater vierbaansweg (caminda di cuater via) cu ta bayendo San Nicolas, cu pa hopi aña a bin ta papiando riba dje, e gobierno aki a dicidi di ehecute y e ta trahando y cabando e proyecto aki.
  • EXPANSION-RENOVACION HOSPITAL: Por bisa cu e toren nobo practicamente ta cla, y aworaki e facilidadnan di hospital ta bay muda pa e toren nobo pa cuminza renova e edificio existente completamente.
  • WATTY VOS BOULEVARD: Esaki ta e caminda cu ta bay ta e weso di lomba entre Oranjestad y e sector di San Nicolas.

E dignatario a splica cu Watty Vos Boulevard no ta solamente un sector pa transporta auto, pero e ta mas cu esey. “Si nos mira e congestionamento cu tin dilanti di Bestuurskantoor cu tur auto cu ta bay den direccion di hotel, tin cu pasa den e area aki, sea taxi, autobus y tur hende cu ta traha den hotel, y por compronde pakico e proyecto aki no mester a bin awe pero for di hopi aña pasa caba. E ta e ringweg rond di Oranjestad cu ta bay conecta San Nicolas for di Aeropuerto, pasa Meiveld, Seroe Patrishi, Bushiri y pasa bay sali na Plan Sasaki, direccion hotel”.

Esaki ta e proyecto di mas grandi cu Aruba ta bay conoce, Minister Sevinger a subraya. E ta encera renovacion di diferente caya tambe, entre otro Sasaki, cu lo wordo renova completamente te na Super Food, conecta esaki cu Boulevard bieu, cu ta wordo transforma den Linear Park fase 4,5 y 6.

“Pues nos ta bay haya Linear Park cu ta conecta for di aeropuerto te na waf. For di waf te na Bushiri y for di Bushiri e proyecto Watty Vos Boulevard lo conecta esaki ful cu tur e hotelnan te na high rise hotelnan te na Riu. Kiermen, nos ta bay tin diferente area pa nos por cana y recrea. Tambe for di WVB nos lo tin conexion entre Oranjestad cu Noord. Nos ta bay renova full e caya for di Santana di Playa te na ex-warda di polis MFA Noord”.

E mandatario a splica cu ambos banda di caminda ta bay tin facilidad pa hende por cana, ta bay tin mata, klinkers y ademas parkeo. Ta bay tin conexion pa hende por cana recrea for di Watty Vos Boulevard te San Nicolas y conecta te na Faro.

 

 

 

 

 

- Advertisement -

DUNA COMENTARIO

Please enter your comment!
Please enter your name here