Home Salud No ta facil pa biba cu un persona skizofrenico

No ta facil pa biba cu un persona skizofrenico

160
0
SHARE
- Advertisement -

ORANJESTAD (AAN) —- Ultimamente por a tende hopi di e calificacion “skizofrenico” den corant of medionan social y cu un persona skizofrenico ta conoci na hulandes como “schizofreen”.

Hopi persona no sa kico esaki kier meen te ora nan haya nan mes confronta cu un familiar di nan ta skizofrenico  (of Schizophrenico)

Cuanto famia tin na Aruba actualmente cu ta pasando den momentonan hopi dificil y tristo pasobra nan tin un ser keri cu ta sufri di e malesa aki.

Cuanto di nan a causa daño na otronan y laga famianan den un tristeza inconsolable.

Casonan cu ta wordo scucha ultimamente ta hopi tristo y caminda por scucha tambe cu no tin un lugar adecua aki na Aruba ainda, pa trata e sernan humano aki cu no por enfrenta nan malesa nan so.

Siguientemente DIARIO a purba copila algun dato kico ta “skizophrenia” y con pa purba trata e personanan skizofrenico, ya cu bo no sa na con su actuacion ta na cierto ocasionnan.

Sintomanan di squizofrenia

Contrario na creencianan popular, squizofrenia no ta un problema di dobbel personalidad.

Bo famia of amigo por nota e realidad di forma hopi diferente na con abo y otro personanan ta nota esaki.  Constantemente nan ta sufri di sintomanan spantoso, manera scucha voznan di paden cu ta papia cu nan, of kere cu otro personanan ta lesa nan mente, cu otro personanan ta controla nan mente of ta haci algo pa  haci nan daño.

Na cierto momento debi na e realidadnan inusual cu nan ta experimenta, e personanan cu sintomanan psicotico por comporta nan mes di forma hopi distinto na diferente momento.

Tin biaha nan por ta parce leu, indiferente of preocupa, y incluso nan por pasa sinta pa hopi rato sin move pa oranan y sin papia. Otro biaha nan por ta moviendo constantemente, semper ocupa, cu aspecto vigilante y alerta.

Ora un persona wordo diagnostica cu e ta skizofrenico, e ta wordo trata sea cu hangua of cu pilder. Por a compronde cu aki na Aruba no tin un lugar adecuado ainda pa atende cu e personanan aki y ta pesey hopi of mayoria di nan ta na cas hunto cu nan famia y ta djis bay na PAAZ pa tuma e remedy necesario.

Cambia situacion drasticamente

Skizonfrenia por cambia bida di tanto esnan cu ta sufri di dje drasticamente , como di personanan cu ta hunto cu nan y cu ta cuida nan.  E cuidadornan ta biba cu e malesa 24 ora pa dia, tur dia di aña.

Esnan cu ta biba cu e personanan aki no tin un bida normal mas, semper ta biba den tension, no tin trankilidad y constantemente ta biba alerta pa un of otro situacion cu por presenta.

Esaki ta e situacion tambe caminda famianan no tin wowo 24 ora riba nan ser keri y tin biaha ta sali bay riba caya y haya nan mes cu problema cu otro hende of cay den man di autoridad.

Ultimamente den noticia por lesa cuanto persona ta haya nan mes cu a wordo deteni pa polis cu despues ta resulta cu nan ta pashent  sikiatrico of pashent di PAAZ.  Pero e personanan aki no ta keda deteni y un paar di ora despues ta bek den libertad.  Y aki ta unda hopi hende ta cuestiona e situacion sin analisa prome kico ta trabao di polis.

Mester compronde cu polisnan no ta e personanan indica pa atende cu e pashentnan aki. E personanan aki mester wordo trata cu cautela y pa profesionalnan cu por domina e situacion cu por presenta. Trabao di polis ta pa pone orden y tranquilidad, pero ora situacion bay for di man nan ta actua cu man duro pa calma e situacion y na e momento ey bo no sa si e persona ta un un persona skizofrenico of no.

Scuchando comentarionan por tende cu ta hopi famia caba a acudi na instancianan oficial pa yuda nan atende cu nan ser keri, pero cada bez nan ta bay di porta pa cashi, di cashi pa muraya  y cu cada dia nan situacion ta empeora mas y cu bida di henter nan famia ta na peliger y tin famia cu hasta a perde nan ser keri pa motibo cu no a ricibi ayudo ningun caminda.

Cuanto tempo mas e famianan cu ta bibando cu un persona skizofrenico mester warda ainda, pa nan por haya ayudo pa nan ser keri?

Cuanto persona mas,  entre nan polis of famia mes lo haya nan morto na man di un di e personanan aki cu na cierto momentonan no ta razona y no ta nan mes mas?

Ta di spera cu instancianan concerni y gobierno traha rapidamente riba un institucion debido y cu personanan profesional cu por guia e personanan aki tanto na momento cu nan ta mas vulnerable y cu por guia nan tambe constantemente pa nan por sigi un bida normal den comunidad.

- Advertisement -

DUNA COMENTARIO

Please enter your comment!
Please enter your name here