Home General NV Elmar ta cuminsa uza atrobe e kabel cu contratista Odinsa a...

NV Elmar ta cuminsa uza atrobe e kabel cu contratista Odinsa a kap 2 siman pasa

19
0
SHARE
- Advertisement -

ORANJESTAD (AAN): Despues di dos siman di e susedido, uzando 27 trahado entre esunnan di NV Elmar y di contratista priva y dos experto di kabel for di Hulanda, ayera 21 di juli, NV Elmar a cuminsa uza e kabel grandi di 60KV atrobe. A kap e kabel dos siman pasa, cu consecuencia cu mester a kita coriente den varios area y parti e coriente via otro “feedernan”.

Tabata diahuebs dia 6 di juli ultimo pa mas o menos 10:30 or mainta cu e compania di construccion Odinsa, a informa NV Elmar cu nan a kap un kabel di coriente di nan na altura di Young Fellow Bar & Restaurant na altura di Barcadera y cu e tabata bashando azeta. Tecniconan di NV Elmar a activa mesora, a yega na e sitio, a logra tape e kabel y contene e azeta pa asina evita cu e lo a rementa. E accion rapido tabata crucial pa salba e kabel grandi riba cual ta pasa 60.000 volt di coriente.

E mesun diadomingo despues di e susedido, a yega dos experto di kabelnan cu ta traha bou presion di azeta, a yega for di Hulanda pa asisti NV Elmar den drecha e kabel. Den fin di siman pasa a cuminsa test e kabel atrobe y tur prueba a resulta exitoso.  Diahuebs mainta a “comisiona” e kabel cu a keda 24 ora bou “spanning” pa asina diabierna a hinke den funcion normal atrobe.

Mester menciona cu e trabou grandi aki ta costa mas o menos 400 mil florin y ta bou responsabilidad di e compania di construccion Odinsa. NV Elmar a sinta na mesa cu Odinsa pa sigura cu ta tene mas cuidao ora di cobamento riba e proyecto di Green Corridor, pa evita inconveniencia na clientenan.

- Advertisement -

DUNA COMENTARIO

Please enter your comment!
Please enter your name here