Home Labor Oficina Labor: “Ley salario minimo” ta un problema pa hende local...

Oficina Labor: “Ley salario minimo” ta un problema pa hende local acepta un trabao

677
0
SHARE
- Advertisement -

ORANJESTAD (AAN) –. Judelca Briceño, funcionario di Direccion di Labor y Investigacion, a wordo puntra den entrevista cu Matutino DIARIO, di con tin tanto hende local ta sinti cu nan no ta wordo yuda pa e departamento aki, pa haya trabao.

Sra. Briceño a declara cu esaki ta competencia di DPL cu ta parti di nan “uitvoering” (ehecucion). DPL ta e seccion cu ta busca trabao y ta mira e curriculum di nos hendenan local, pa wak si nan ta competente of ta manda nan na e companianan cu mester.

Sra. Briceño a indica cu Labor ta ripara cu enberdad tin un desigualdad entre e cantidad di hendenan cu ta busca trabao y e vacanturanan cu tin.

“Loke nos ta trahando awor duro riba dje, ta cu nos tin un stuur groep cu ta traha hunto Departamento di Asunto Social, unda nos ta bay enfoca riba un grupo di hoben, pa nos wak kico ta e problema, kico ta e buraconan cu tin cu e esnan cu ta busca trabao no ta yega na e funcionnan pidi. Esaki ta nos competencia, nos ta encarga cu e tereno aki, y tambe nos ta bezig pa wak kico tur nos lo mester haci, pasobra realidad ta cu nos tin un Landsverordening minimum loon, y actualmente e companianan mester cumpli cu e salario minimo aki, y e no ta categoriza pa sector y esaki nos ta mira como un di e problematicanan”, sra. Briceño a subraya.

Esaki pasobra depende di e funcion e persona local por aspira na un salario mas halto, mientras cu esun di afo si ta acepta e salario minimo.

Departamento di Labor ta sondeando internamente, pa wak con nan por haci pa wak, si kizas, bin cu un manehonan riba e tereno aki y mira con por mara funcionnan na un cierto salario, loke actualmente, via  e ley e no ta posible.

El a agrega cu pesey Labor tin cu revisa su leynan laboral riba e tereno aki, pa introduci cambionan.

Briceño a duna di conoce tambe cu nan ta bezig cu e asina yama “Arbowetgeving” cu ta pa garantiza seguridad na e trahador cu tin cu haci cierto trabaonan peligroso, unda e dunador di trabao mester cumpli cu rekisitonan. Esaki por trece cune tambe cu ora e persona no ta capacita mas pa haci e trabao ey e compania ta dune otro tipo di trabao mes pa mantene garantiza un entrada pa e trahador por percura pa su famia.

“Esaki ta den nos man pa nos haci, y mester bisa cu nos tin wowo pa esey, nos ta enfocando riba esey, y nos ta bay traha plannan riba e tereno aki”, sra. Briceño a señala.

 

 

- Advertisement -

DUNA COMENTARIO

Please enter your comment!
Please enter your name here