Home Economia Oradornan exitoso ta hiba palabra y lo duna informacion balioso na empresarionan...

Oradornan exitoso ta hiba palabra y lo duna informacion balioso na empresarionan local

36
0
SHARE
- Advertisement -

Expectativanan ta alto pa Small Business Event

ORANJESTAD- (AAN): Diasabra awor, dia 8 di juli, ta tuma lugar e Small Business Event den Renaissance Convention Center. Minister Arends durante un conferencia di pensa a splica detaya kico e evento aki ta encera. E ta bay riba e 4 topsectornan cu ta representa e desaroyo economico nobo.

E evento ta gratis y ta dura di 9’or di mainta te 1’or di merdia. Señora Madel jacopuuci di Guardian Fatum Group y señora Ernst Mohamed di KvK cu ta participa na e evento aki, a compaña Minister Arends durante su confrencia di prensa riba e topiconan interesante aki.

Señora Madel Jacopucci di Guardian Group Fatum a conta cu durante e breakout session di e evento su compania ta duna informacion na e participantenan kico nan mester tene cuenta cu ne ora nan tin un negoshi caba of si nan ta bay start un negoshi.

“Nos ta informa nan di e riesgonan cu tin y con nan por sigura nan mes y si por warda pa haci esaki.  Naturalmente esaki ta depende di ki tipo di negoshi bo ta cuminsa cu ne of bo tin un negoshi caba y pa haya un idea con e gastonan ta cay pa bo. E parti financiero pa un entrepreneur ta hopi importante.” Señora Jacopucci a haci un invitacion na e mundo impresarial pa ta presente diasabra awor na e evento Small Business Event, ya cu esaki pa comercio ta algo hopi importante.

Sr. Ernst Mohamed, President di Camara di Comercio a splica cu Kamer ta bay tin un booth na e evento di diasabra awor. “Tin hopi empresario cu ta bay particpa y pesey nos tin un booth pa informa esnan presente con lanta un negoshi y ki papel bo mester tin pa draai of pa expande bo negoshi.” Mohamed a bisa di ta apoya completamente eventonan manera esaki.

“E evento aki ta net un siman despues di nos Business Plaza cu ta algo parecido, pero esaki ta mas enfoca riba esnan cu tin un negoshi caba y kier expande esaki. E oradornan durante e evento aki ta di companianan bon para caba y nan ta un ehempel y inspiracion pa e otronan. Nos ta sugeri tur empresario, sigur esnan nobo pa bin e evento pa scucha y siña con haci nan negoshi mas exitoso.”

- Advertisement -

DUNA COMENTARIO

Please enter your comment!
Please enter your name here