Home Politica Parlamentario drs. Marisol Lopez Tromp ta mustra con pa stop cu Stempel...

Parlamentario drs. Marisol Lopez Tromp ta mustra con pa stop cu Stempel Parliament

145
0
SHARE
- Advertisement -

ORANJESTAD (AAN) – Parlamentario drs. Marisol Lopez-Tromp, a divulga via su facebook un interesante comentario relaciona cu Stempel Parliament y con pa stop esaki.

Bal la pena pa trece dilanti su argumento pasobra e ta yama na reflexion, y esaki ta importante na momento cu nos ta acercando un eleccion, dia 22 di September proximo, kiermen un bez aki.

Drs. Lopez-Tromp ta señala cu Parlamento di Aruba ta ricibi critica cu e ta un “Stempel Parliament”.

“Esaki ta nifica cu Parlamento ta vota ciegamente pa loke gobierno ta desea, of pa leynan di gobierno”.

Kiermen, cu cada parlamentario riba su mes, una bez cu drenta Parlamento di Aruba, e no ta representa su partido. E ta representa e pueblo di Aruba den su totalidad. “Y tur toma di decision cu bo haci ta pa henter Aruba y no solamente pa e votadornan di bo partido. Consecuentemente, mester realiza esaki na momento cu nos ta hiba debatenan” e dama a acentua.

Parlamentario drs. Lopez Tromp ta sigur cu nos Parlamento por haci un bon trabao, y tuma decisionnan basa riba sano huicio di cada Parlamentario, na momento cu haya parlamentarionan cu hopi sosten di pueblo den Staten, locual ta nifica “cu hopi voto di pueblo”. El a splica cu hopi bez ta surgi situacionnan na unda, segun nos kiesverordening,  y e secuencia di number riba e lista, Parlamentarionan ta drenta segun e asiento cu e partido a haya. Consecuentemente, tin Parlamentario cu ta drenta den Staten cu apenas un tiki voto, y otronan cu hopi mas voto cu ta keda afo, lamentablemente.

“ Kico esaki ta nifica? Cu gobierno y su ministernan tin biaha ta eherce presion riba e fraccion of parlamentarionan, pa vota pa un ley cu kizas no ta asina beneficioso pa pais Aruba.

“E parlamentario mester sa di para den su zapato y cu argumentonan sano vota sea pro of contra di un ley. Y na momento cu tin parlamentarionan cu no tin mucho sosten di pueblo den Parlamento, y ta ‘rebeldia’ den bista di e partido, y den e caso aki ta vota diferente cu e resto di su partido, por pasa cu e ta wordo sanciona politicamente, y hasta saca for di e partido. En realidad e parlamentario mester keda para firme den su zapato pasobra akiden bo no ta representa partido sin mas, bo ta representa henter Aruba, y bo toma di decision ta conta no solamente pa e cuater añanan cu bo por ta den Parlamento, pero pa hopi aña mas, pasobra leynan cu ta wordo introduci por hasta, conta pa semper”, e Parlamentario Independiente, miembro riba lista di POR, Plataforma e Forza Nobo a conclui.

- Advertisement -

DUNA COMENTARIO

Please enter your comment!
Please enter your name here