Home Politica Parlamentario Marisol Lopez Tromp ta splica pakico independisacion di parlamento ta hopi...

Parlamentario Marisol Lopez Tromp ta splica pakico independisacion di parlamento ta hopi importante

91
0
SHARE
- Advertisement -

ORANJESTAD (AAN): Durante e tres añanan cu el a fungi como presidente di parlamento, Marisol Lopez Tromp a trece dilanti cu un di su metanan principal tabata pa independisa nos parlamento di Aruba. Pakico esaki ta asina importante? Paso con cu bay bin, ta parlamento ta e instancia cu mester controla gobierno di Aruba y no contrario.

Y pa por haci esaki debidamente parlamento mester por tuma su propio decisionnan cu su propio presupuesto. Al momento parlamento tin un presupuesto cu bo por bisa ta depende parcialmente di e presupuesto di e minister di Algemene Zaken kende ta e prome minister di nos pais.

Na momento cu parlamento por fungi independientemente, e parlamentarionan lo por haci nan trabao den un forma mas miho posibel pa controla gobierno. Na momento cu gobierno tin input of algo di bisa den parlamento di Aruba, esaki por impedi e trabao di parlamento y su personal cu mester ta den un forma imparcial. Parlamento mester ta liber tambe pa, por ehempel, scohe su mes trahadornan pa haci un mihor trabao posibel pa parlamento di Aruba.

Esaki ta keda un meta y a haci inicio den e ley aki pa trece cambionan pa independisa nos parlamento pero ainda falta un trayecto pa caba. Parlamentario Marisol Lopez Tromp ta kere cu unabes finalisa e trayectoria cu falta, esaki tambe lo yuda na mehora e democracia di nos pais y haci cu parlamento por tuma su decisionnan den un forma mas independiente posibel. Esey lo cumbini no solamente parlamento como instituto, pero henter e funcionamento democratico di nos pais.

 

- Advertisement -

DUNA COMENTARIO

Please enter your comment!
Please enter your name here