Home Deporte Partidonan Semi-final di campeonato 2017 di FLMSA a continua diadomingo riba tereno...

Partidonan Semi-final di campeonato 2017 di FLMSA a continua diadomingo riba tereno di Flatstone

19
0
SHARE
- Advertisement -

ORANJESTAD (AAN): Diadomingo 23 di juli 2017 bow di auspicio di Federacion Liga Mayor di Softball Arubano riba e tereno di Flatstone Ballpark na Piedra Plat tabata tin continuacion di e di diescuatro campeonato di softball Liga Mayor pa locual ta trata partidonan den su fase Semi-final y tambe partidonan di softball entre e teamnan di 60-plussers.

1º partido: Benjamin Tigers v/s Jani’s (60-plussers) 

Pa 10’or a duna inicio na e prome partido di dia entre e teamnan di 60-plussers den Campeonato 2017 cu a bay entre Benjamin Tigers como equipo di cas enfrentando Jani’s como equipo visitante. Den bom di inning no. 1 Benjamin Tigers a score e prome careda di e partido pa bay ariba despues di 1 inning cu e score di 1 pa 0 riba Jani’s. Pero Jani’s ta bons back y a reacciona cen cabez di inning no. 2 caminda nan ta score no menos cu 4 careda pa e partido bira 4 pa 1 na nan favor. Den bom di inning no. 2 Benjamin Tigers a corta ventaja anotando 1 careda. Den cabez di inning no. 3 Jani’s a bolbe score un careda pa pone e partido 5 pa 2 na nan favor. Den cabez di inning no. 5 y 6 Jani’s a sigui presiona y nan a score 3 y 4 careda respectivamente pa pone e partido comoda mente na nan favor cu e score di 12 pa 2. Den bom di inning no. 6 Benjamin Tigers a score 1 careda y e partido a finaliza pa motibo di tempo reglamentario cu e score di 12 pa 3 na favor di Jani’s riba Benjamin Tigers. Jani’s tabata 12 careda nan a bati 13 hit y a comete 2 error. Mientras Benjamin Tigers tabata 3 careda nan a bati 9 hit y a comete 5 error riba tereno. Mihor bateador nan pa Jani’s tabata Franklin Fingal di mil punto cu 3 hit den 3 turno, mientras Franklin Leysner y Esteban Schwengle a bati 2 hit den 3 turno. Franklin Leysner y Esteban Schwengle ambos tabata un homerun den tereno. Mihor bateador nan pa Benjamin Tigers tabata J. Thiel di mil punto cu 2 hit den 2 turno y cu un homerun den tereno. Mientras Franky Arnell y Fachi Werleman ambos cu 2 hit den 3 turno. Pitcher ganador pa Jani’s tabata Neo Geerman y e perdedor pa Benjamin Tigers tabata R. Williams hayando relevo di J. Figuereu den inning no. 5.

2º partido: Bambino’s Florsheim v/s Aruba Juniors Masters (60-plussers)

Despues di e prome partido di dia a duna inicio na e di dos partido di dia tambe a bay entre e teamnan di 60-plussers esta Bambino’s Florsheim 60+ como team di cas enfrentando Aruba Juniors Masters como team visitante. Tabata den cabez di inning no. 2 cu Aruba Juniors Masters a piki un careda y a bay dilanti cu e score di 1 pa 0 riba Bambino’s Florsheim. Te den bom di inning no. 4 Bambino’s Florsheim a reacciona anotando 3 careda pa bolter e score 3 pa 1 na nan favor. Den bom di inning no. 5 Bambino’s Florsheim a reacciona fuerte y nan a score na 7 occasion pa pone e partido comoda mente 10 pa 1 na nan favor riba Aruba Juniors Masters. Cu e score aki tambe pa motibo di tempo reglamentario e partido a termina. Bambino’s Florscheim tabata 10 careda nan a bati 10 hit y a comete 1 error. Mientras Aruba Juniors tabata 1 careda nan a bati 6 hit y a comete 2 error. Mihor bateador nan pa Bambino’s Florsheim tabata Aubrey Maduro, Ronnie Donata y Ramiro Lopez, tur tres di mil punto cu 2 hit den 2 turno, 1 hit den 1 turno y un hit den 1 turno respectivamente. Mihor bateador nan pa Aruba Juniors Masters tabata Fabio Gei, Pedro de Windt y Rafael Hodge tur tres di mil punto tur tres cu 1 hit den 1 turno, mientras Nando Koolman a bati 1 hit den 2 turno. Pitcher ganador pa Bambino’s Florsheim tabata Willy Croes cu tambe a sa di bati un homerun den tereno. Mientras Benito Guerrero tabata e pitcher perdedor pa Aruba Juniors Masters.

3º partido: Kibaima Total Services v/s MPR/Deco’s Classics 

E di tres partido a inicia entre e equipo Kibaima Total Services como equipo di cas enfrentando MPR/Deco’s Classics como equipo visitante dunando inicio na e parti semi-final di Campeonato 2017. MPR/Deco’s Classics a clasifica no. 1 den poule A y Kibaima Total Services a clasifica no. 2 den poule B. Den bom di inning no. 1 Kibaima Total Services a piki dilanti anotando 2 careda pa pone e partido 2 pa 0 na nan favor. Den bom di inning no. 3 atrobe Kibaima Total Services a score 3 careda pa amplia e score 5 pa 0 riba MPR/Deco’s Classics. Den cabez di inning no. 4 MPR/Deco’s Classics a corta ventaja anotando 2 careda. E partido a bira 5 pa 2. Pero den bom di inning no. 4 Kibaima Total Services a bolbe anota 3 careda pa amplia e ventaja 8 pa 2. Den cabez di inning no. 5 MPR/Deco’s Classics a score 2 careda pa corta ventaja un tiki caminda e score ta bira 8 pa 4. Den bom di mesun entrada Kibaima Total Services a score 1 careda pa pone e partido 9 pa 4. Den cabez di inning no. 6 MPR/Deco’s Classics a score 1 careda y despues di 6 inning completo e partido a termina cu e score di 9 pa 5 na favor di Kibaima Total Services riba MPR/Deco’s Classics.Kibaima Total Services tabata 9 careda nan a bati 12 hit y no a comete error. MPOR/Deco’s Classics tabata 5 careda, nan a bati 8 hit y a comete 2 error riba tereno. Mihor bateadornan pa Kibaima Total Services twt Mirto Boekhoudt cu 3 hit den 4 turno. Mientras Wilfred van der Biezen, Paul Rodriguez y Wilfred Ras, tur tres cu 2 hit den 3 turno. Pa MPR/Deco’s Classics tabata Emiliano Thiel di mil punto cu 2 hit den 2 turno. Lucio Geerman a sa di bati 2 hit den 3 turno. Pitcher ganador pa Kibaima Total Services tabata Mark Simon, mientras Roland Peters tabata e perdedor pa MPR/Deco’s Classics hayando relevo di Albertico Loefstop den inning no. Robert Rodriguez tabata un homerun den tereno pa Kibaima Total Services. Cu e partido gana aki Kibaima Total Services ta clasifica no. 1 pa e partido di final diadomingo 30 di juli 2017, mientras MPR/Deco’s Classics mester bay hunga e partido pa e di tres y cuatro puesto.

4º partido:  Astros v/s Balashi Sunrise Stingers                                              

Despues di e di tres partido a sigui cu e di cuater partido y ultimo partido di dia den su parti semi-final di Campeonato 2017, caminda Astros como team di cas a subi tereno pa enfrenta Balashi Sunrise Stingers como team visitante. Astros despues di campeonato regular a clasifica no. 2 den poule A y Balashi Sunrise Stingers a classifica no. 1 den poule B. Tabata den e propio cabez di inning no. 1 caminda cu Balashi Sunrise Stingers a anota e prome careda di e partido. Den cabez di inning no. 3 atrobe Balashi Sunrise Stingers a amplia nan ventaja anotando 2 careda pa pone e partido 3 pa 0 riba Atros. Den cabez di inning no. 4 Balashi Sunrise Stingers a anota 1 careda pa pone e partido na e altura aki 4 pa 0 na nan favor. Tin di agrega cu e pitcheo di Balashi Sunrise Stingers Astros no por a bini cla cune. Den cabez di inning no. 6 Balashi Sunrise Stingers a reacciona fuerte anotando 5 careda pa amplia e ventaja mas na unda e partido a bira 9 pa 0. Atrobe den cabez di inning no. 7 Balashi Sunrise Stingers a anota 2 careda pa pone e score na e momento aki 11 pa 0 riba Astros. Astros no a anota ningun careda den bom di inning no. 7 y despues di 7 inning completo e partido a termina cu un victoria pa Balashi Sunrise Stingers di 11 pa 0 riba Astros. Balashi Sunrise Stingers tabata 11 careda, a bati 13 hit y nan a comete 3 error riba tereno. Astros no a anota careda a bati solamente 3 hit y tambe a comete 3 error riba tereno. Mihor bateador nan pa Balashi Sunrise Stingers tabata Humphrey di mil punto cu 1 hit den 1 turno. Ancell Alleyne a bati 3 hit den 4 turno, mientras Michael Rasmijn y Robertico Boekhoudt  ambos a bati 2 hit den 4 turno. Mihor bateador nan pa Astros tabata D. Thode y E. Pieternella ambos cu 1 hit den 2 turno. Pitcher ganador pa Balashi ¿Sunrise Stingers tabata Gregory Paulina y e perdedor pa Astros tabata Poy Flanegin. Pa Balashi Sunrise Stingers Ansell Alleyne y Michael Rasmijn twt un homerun den tereno. Cu e victoria aki Balashi Sunrise Stingers ta pasa pa final pa hunga contra Kibaima Total
Services diadomingo 23 juli 2017 pa 4’or di atardi, mientras Astros lo hunga pa e di tercer y cuatro posicion pa 2’or di atardi contra MPR/Deco’s Classics.

Asina Federacion Liga Mayor di Softball Arubano por waak atras riba un bon diadomingo  di campeonato no. 14 (2017) cu culminacion di e campeonato den su parti semi-final caminda tremendo partidonan di softball, na unda club miembronan ta sigui brinda bon partidonan di softball. Tabatin un tremendo ambiente di softball caminda DJ Hubert Geerman a sa di deleita e publico presente..

E bar tabata na encargo di directiva di Federacion Liga Mayor di Softball Arubano y a sa di brinda e publico presente. E cushina tabata na encargo di e damanan di Benjamin Tigers 60+ y a duna un tremendo servicio. Un danki ta bay pa e cuerpo di umpires bow di direccion di Sr. Mito van der Biezen. Tambe danki ta bay pa nos scorer Sra Mila Dirksz. Keda pendiente pa e publicacion di e ultimo partidonan di final di campeonato 2016 bow di auspicio di Federacion Liga Mayor di Softball Arubano cu lo tuma lugar diadomingo 30 di juli 2016 na tereno di Flatstone Ballpark na Piedra Plat Santa Cruz.

Terminando cu saludos deportivo y sperando riba cobertura pa cu y henter nos campeonato 2017.

 

- Advertisement -

DUNA COMENTARIO

Please enter your comment!
Please enter your name here