Home Politica Paul Croes no ta bay eleccion mas

Paul Croes no ta bay eleccion mas

890
0
SHARE
- Advertisement -

ORANJESTAD (AAN):  Diasabra mainta a bira conocí cu Minister y candidato di AVP Paul Croes definitivamente no ta bay mas riba lista pa eleccion di 22 di September 2017.

Esaki a keda dicidi diabierna. E tabata den un reunion y asina a dicidi cu e lo keda afo. Tin e investigacion andando y e mes no kier crea expectativanan di campanja y aina haya problema of perhudica e partido pa motibo di e investigacion.

E ta para cu e ta inocente pero ta respeta e investigacion. Asina mes Paul Croes durante su campanja tabata wordo ricibi grandemente den casnan ultimo simannan. Ya caba el a cuminsa avisa su campanjadornan y tambe el a avisa su hendenan cu tabata traha cerca di dje. Mientrastanto ta papiando cu su ruman Erin Croes pa asina subi lista.Esaki ainda no a keda dicidi.

Erin Croes tambe ta un hende hopi carismatico cu basta aprecio den comunidad. Hasta su trabounan cu e ta haci pa yuda hende ta grandi. Interesante e desaroyo aki.

Paul Croes kier duna e espacio pa e investigacion cana su caminda sin cu ta stroba e proceso di eleccion pa partido AVP cu ta hopi acepta den comunidad te na e momentonan aki. Awor lo keda pendiente pa mira si Erin Croes lo acepta y asina subi lista di partido AVP.
E dianan ta cerca pa entregamento di lista pa 4 di Augustus. Lider di partido kizas lo por bay duna mas informacion riba e desaroyo aki.

- Advertisement -

DUNA COMENTARIO

Please enter your comment!
Please enter your name here