Home Deporte Pelotero Brandon Rincones su soño a bira un realidad y ta firma...

Pelotero Brandon Rincones su soño a bira un realidad y ta firma cu e organisacion di Boston Red Sox

300
0
SHARE
- Advertisement -

ORANJESTAD (AAN): Diario Deportivo a ricibi e grato noticia diasabra mainta for di famia di Brandon Rincones, cu e soño cu Brandon Rincones a cana cune tur aña, esta pa un dia hunga professional baseball a bira un realidad. Diario Deportivo a compronde cu e organisacion di Boston Red Sox a close the deal pa asina duna Brandon Rincones un scholarship pa hunga baseball na merca y despues pa e sigui lucha pa yega den MLB. Esaki sigur ta un noticia hopi agradabel, mirando cu mas y mas di nos pelotero Arubiano nan ta yegando MLB. Diario Deportivo a bin ta sigui e pasonan di Brandon Rincones desde cu el a cuminsa milita den e organisacion di Stars. Brando Rincones sigur un hoben pelotero cu un disciplina di kita sombra. Un hoben manera cu e subi tereno y ta duna su maximo pa cu su ekipo. Ultimo añanan Brandon Rincones a forma parti di varios seleccion pa Aruba, y aki su persona a destaca enormemente. Sin ningun duda, hopi wowo tabata riba Brandon Rincones, pero ta e organisacion di Boston Red Sox cu a hala e atencion di Brandon mas hopi. Segun informacion cu Diario Deportivo a ricibi, cu Brandon Rincones a viaha pa Merca caba, y den e dianan venidero su persona lo firma contract cu e organisacion di Boston Red Sox. Diario Deportivo lo sigui e pasonan di cerca di Brandon Rincones, pa asina informa Aruba debidamente. Pabien na Brandon, su tata Elwin Rincones, Yuneida Rincones, su rumannan cu tambe ta futuro Astro Peloteronan, Sin lubida Oma y Opa di Famia Rincones y Albus. Pabien!!

- Advertisement -

DUNA COMENTARIO

Please enter your comment!
Please enter your name here