Home General Piscadonan di Cura Cabay tambe a haya cambio na nan Pier

Piscadonan di Cura Cabay tambe a haya cambio na nan Pier

58
0
SHARE
- Advertisement -

ORANJESTAD(AAN): Ruben Willems ta representante di Centro di Pesca Hadicurari, seccion Cura Cabay y tabata na un di e piernan na Cura Cabay. Willems ta piscado y por a nota un cambio grandi cu a tuma luga.

Willems ta conta cu tres aña a bishita gobierno y a pidi un verlenging di e pier. Pa sorpresa di Willems a yame na Hulanda bisando cu nan lo bay cuminsa cu e pier. E di cu ta spera cu ta algo chikito. Pero pa su sorpresa, e tabata algo hopi grandi, hopi bunita pa e bario di Cura Cabay. Despues di 40 aña nan a bin haya algo bestial mes den e bario.

Uzo di e area:

Actualmente a cuminsa cu tin 14 boto cu ta uza e pier constantemente y tin mas cu ta ,biniendo sperando cu tin mas boto cu bin na e centro.

A haya 7 hoki di deposito caminda cu por pone e cosnan di trabao,esnan cu ta bibamas leu, nan luganan unda cu nan por wardanan material y linjanan.Ta bay tin un luga caminda cu nan por tin banjo, tin diferente cos, caminda cu nan por pida pisca nan come tame.Tambe lo bay tin un luga cu hopi hende lo frecuenta. Pasobra tin hopi hende sinta eybao ta warda pisca ora cu e yega. 

E pier ta hopi importante.e pier prome tabata un pier cu LVV a yega di yuda e centro cun’e. A traha pida caminda, nan a back bill’e. Djey a haya pida pier riba dje. Centro di Pesca Hadicurari a traha esun parti pafo. Awor aki e contratista a traha e parti paden pa nan. Awor aki tin un pier mas fuerte, mas resistente. Tin tur cos poni na nan luga. Ta un paar di cos mas cu falta. E mangrovenan cu no por a mishi cu nan, e parti cu tin proteccion. Pero nan ta contento cu lo cual cu nan tin.

Loke falta ainda:

E famoso boca, Bok’i Dolf,ta un boca cu Glenbert Croes a yega di habri’e basta aña pasa. Prome ta Tico Croes a habri’e. Djey Glenbert a bolbe habri back. Pero lama a bin dia cu Lenny a bin Aruba, e horcan a bolbe cere. A keda di bin pa wak si por habri e boca back.   Te awor aki e contratista tin algo den pipeline. Mañan lo bay haci un bishta na dje wak si nan por habri’e.  E ta importante pasobra si sali djeynan pa Savaneta, ta mey ora di caminda, mey ora di caminda pa bay ariba. Un tanki di gasolin ta costa 80 Florin awendia. Cu esey ta save gasolin y save tempo tambe. E ora no tin nodo di core e careda bay abao, ni bay ariba. Si bo sali 6’or di Zeewijk, bay abao.,ba yega 6’or y mey, bin ariba ta 7’or. E trayectoria ta largo.Ta bay save placa y e piscado por gana algo mas den su saco.

 

- Advertisement -

DUNA COMENTARIO

Please enter your comment!
Please enter your name here