Home Politica Plan di pension di Partido POR y MEP lo baha bo suma...

Plan di pension di Partido POR y MEP lo baha bo suma di pension tambe

118
0
SHARE
- Advertisement -

Rene Herdé:

ORANJESTAD (AAN): E plannan di pensioen di e partidonan MEP y POR tur dos ta baha e cantidad di placa cu e pensionado ta cobra tur luna. Esey ta e consecuencia di tur dos plan di e partidonan aki. Ta pesey nan no kier splica pueblo ta kico nan plan ta bay nifica pa pensionadonan.

Tur dos partido ta priminti, pero nan no ta splica. Sigur nan no ta bisa kico ta bay pasa cu e pensioen cu pensionadonan ta bay cobra tur luna. For di prome cu 2008 e fondonan di pension ya tabata den crisis.

E fondo di pensioen di behez a cuminsa usa su placa di reserva pa paga e pensioen di pensionadonan. Pero na 2014 e reserva a caba. Pesey SvB, expertonan y hasta gobernador a pidi gobierno di AVP pa trece cambio den e fondo pa sigura cu pensionadonan no keda sin entrada. Gabinete Mike Eman a haci tur lo posibel y a salba e fondonan. Niun luna e pensionadonan a cobra menos cu nan mester a cobra. Alcontrario. Na mas cu un ocasion a subi e suma mensual pa yuda cubri costo di bida.

Anto mey mey di e crisis financiero economico. Cu e plannan di MEP y POR pa prome biaha pensionadonan ta core e riesgo di haya menos placa pa luna di nan pensioen. Pero MEP y POR no kier bisa pueblo esey. MEP y POR kier hunga cu sentimento di pueblo, purba gana nan voto, pa despues di eleccion conta pensionadonan otro storia. Esaki no ta prome biaha cu MEP ta haci e wega aki. Ta ken no ta corda e “Futuro Briyante” di MEP cu a resulta den un sin fin di medida? Ken no ta corda e 10 puntonan di accion cu niun a worde realisa?

FLEX-PENSIOEN di POR:

Partido POR ta bisa pueblo cu nan tin derecho pa baha cu pensioen prome cu nan yega 65 aña. Tin caso cu esey ta necesario. Por ehempel si un hende ta haci un trabao cu su salud no ta permiti’e haci mas. Pero esey no ta loke POR ta bisa pueblo. POR ta bisa tur hende cu nan por baha cu pensioen prome cu nan yega 60 aña. Loke POR no ta bisa hende ta cu si Bo baha cu pension mas tempran, cu Bo ta haya menos placa di pensioen.

Na Curaçao a duna trahadornan e posibilidad aki tambe pa baha cu pensioen mas tempran. Pero ora e pensionadonan aki a bay cobra nan pensioen nan a ripara cu nan a haya menos cu loke nan a spera. Algun a haya te 30% menos placa cu loke nan a spera. Esey lo sosode na Aruba tambe cu e plan di POR. Pero nan no ta bisa esey awor. POR ta gaña!

E PLAN DI MEP:

E plan di MEP ta bay mas leu ainda. MEP kier baha of tene e edad di bay cu pension na 62 aña (= awor aki e ta 61.5 aña) y hisa e placa di pensioen cu 300 Florin of mas. Ta ken no kier esey? Ta ken no kier baha cu pension mas tempran y haya mas placa? Ta manera gana loto y stop di traha! E realidad ta cu MEP tampoco no ta conta pueblo con ta bay paga pa e pension awor y den futuro.

Expertonan ya a calcula cu e plan di MEP lo bolbe manda e fondo bancarota. Of MEP mester bisa pensionadonan cu nan lo cobra menos placa na pensioen tur luna pa resto di nan bida. Tambe nan mester bisa trahadornan cu nan lo mester paga mas prima tur luna. MEP tampoco no kier bisa pueblo esey.

Nan tambe kier hunga cu sentimento di pueblo, gana nan voto den eleccion, pa despues bin bisa cu mester studia e plan prome. Nooooo!! Esey nos no ta permiti nan haci. MEP y POR mester splica pueblo na placa chikito kico nan plan ta bay nifica pa pensionado y trahadornan awor y den futuro. No despues di eleccion.

Nan mester splica pueblo cuanto placa pensionadonan ta bay perde di nan entrada awor y den futuro. Rene Herde: “MEP y POR mester papia palabra cla awor. No gaña pueblo cu promesa di campaña pa despues dal pueblo cara abou! Tanten cu boso no tin un plan cu realmente ta mehora e pensioen, kita man di pension di pueblo”

 

- Advertisement -

DUNA COMENTARIO

Please enter your comment!
Please enter your name here