Home Deporte Presidente di Lotto pa Deporte a ricibi un bunita obsekio di Grandmaster...

Presidente di Lotto pa Deporte a ricibi un bunita obsekio di Grandmaster Chaco Cornelio y Coach Teofilo Rodriquez

17
0
SHARE
- Advertisement -

ORANJESTAD (AAN): Recientemente un delegacion di Aruba a biaha pa e mundial di taekwondo cu e tuma lugar na e ciudad historico di Mujiu, Sur Korea unda nos atleta elite den e deporte di taekwondo, Monica Pimentel hunto cu coach nacional Teofilo Rodriguez a representa nos isla dignamente. Na e mesun momento, Aruba tabata tin un otro digno representante den Grandmaster Jose Cornelio cu a fungi como referee na dicho campeonato. Mirando e magnitud y importancia di un evento manera e campeonato mundial aki tanto Jose Cornelio como e delegacion di taekwondo a haya un ayudo substancial di St. Fundacion Lotto pa Deporte pa nan por a realiza e biaha pa e campeonato mundial di taekwondo.

“Cada bez cu un seleccion y/of dirigente di nos isla bay den exterior e ta representa Aruba dignamente y nos mester aprecia esaki. E ta un branding personal y alavez un branding pa Aruba. Sigur nos atleta y dirigentenan elite kendenan ta dispone di un reputacion respeta ey for y mundo henter ta wak nan den e diferente competencianan di taya mundial manera ta e caso di taekwondo na Sur Korea”, Sr. Wernet a bisa.

Na nan regreso na Aruba tanto Grandmaster Chaco Cornelio y coach nacional Teofilo Rodriguez tabata tin palabranan di gradicimento pa Lotto cu a yudanan realiza e viahe importante aki. Pa e motibo aki mes ambos a trece cada un bunita obsekio historico pa Presidente di St. Fundacion lotto pa Deporte, Sr. Di Stefano Wernet RA cu a keda masha contento cu e bunita gesto aki.

Lotto, e Loteria di Aruba a cambia bida di deporte na Aruba, principalmente di nos deportista nan bow e maneho di nos Ministro di Deporte Dr. Alex Schwengle.

- Advertisement -

DUNA COMENTARIO

Please enter your comment!
Please enter your name here