Home General Randy Paskel y Rivelino Kelly a pisca e Djampou di mas grandi...

Randy Paskel y Rivelino Kelly a pisca e Djampou di mas grandi di historia

85
0
SHARE
- Advertisement -

ORANJESTAD(AAN): E piscadonan Randy Paskel y Rivelino Bob Kelly di e boto “Aiyana” a kibra tur record di grandura y peso ora nan a yega canto cu un pisca Djampou di no menos cu 168 kilo! Nan a participa den e tradicional competencia di piscamento diadomingo.

Diadomingo dia 2 di juli 2017 for di 11:00 am te cu 6:00 pm a tuma luga e di 23 Torneo di pesca “Dia di Piscado”. A pone mas di 5 mil Florin na premio, parti den cantidad di kilahe, mayor ehemplar di pisca, ehemplar mas grandi di torneo y mas.

Na dado momento e duo aki a regresa for di e competencia y a yega Centro Hadicurari cu un pisca masha grandi mes. E tabata asina grandi cu nan no a logra hinke den nan boto y a lastr’e cu un waverunner trece tera pa pisa. For di Centro Hadicurari nan a informa cu, te cu nan sa, esaki ta e Djampou mas grandi cu a yega di pisca den historia, aki na Aruba!

Randy Paskel ta bini di un famia piscado, su defunto tata Betty Paskel di Boegoeroei ta un piscado crioyo masha conoci. Randy mes a studia afo den ramo di capitan di boto y awendia e ta hefe di Kustwacht Aruba. Den su tempo liber, e ta pisca regularmente.

Rivelino Kelly tambe ta traha na Kustwacht y ta sali tambe di e famia piscador. Ta yiu di comocido piscador Nicolas Kelly di Palm Beach. Pabien na ambos cu ta colega di trabao y colega den piscamento.

- Advertisement -

DUNA COMENTARIO

Please enter your comment!
Please enter your name here