Home Cultura Ray Ann Hernandez ta e Directora nobo di UNOCA

Ray Ann Hernandez ta e Directora nobo di UNOCA

301
0
SHARE
- Advertisement -

ORANJESTAD (AAN) —DIARIO a tene un entrevista cu e Directora nobo di UNOCA, caminda nos por a sinta combersa y haya un tiki mas di e plannan cu Unoca tin pa loke ta trata arte y Cultura.

Ta asina cu Ray Ann Hernandez, tin ya caba tres luna laborando na Unoca, como e Directora nobo. Sra Hernandez ta conta cu en realidad e ta masha hopi contento di por a haya e oportunidad aki y asina por contribui cu tur loke tin di haber cu Arte y Cultura di Aruba.

Unoca a wordo estableci na 1985 cu e proposito pa yuda organisacionnan cultural pa por yega na fondonan pa por ehecuta y desaroya nan plannan Cultural.

Fondo Cultural Aruba ta financia proyectonan tanto cultural y artistico. E fondo ta destina pa yuda sostene artistanan local, ehecuta nan proyectonan.

Na oficina di Unoca ta yega diferente peticion cu ta varia entre arte di tarima, escritornan, musiconan, artista visual, haci proyecto visual y workshopnan artistico.

Unoca tambe ta yuda duna direccion y ta conseha nan, e hobennan con pa florece nan talento. Ariba e pregunta kico ta wordo mas sugeri na e hobennan pa busca como nan talento? Sra Hernandez ta conta cu en realidad, no tin un espacio habri, caminda bo por bisa cu eyden ta haci falta di mas atencion, ya cu e hobennan hopi biaha ta expresa loke nan kier, sinembargo bo por haya bo cu hopi biaha e mayoria purba di hinca e muchanan den programanan cu no tur ora ta esun cu e hobennan ta echt bon den dje y pa e motibo aki Unoca ta bay tin dos workshop na Scol di Arte na San Nicolas.

Dianan 10  pa 14 Juli 2017, lo bay tin un Kids camp, caminda e hobennan entre 6 pa 11 aña ta bay haya diferente posibilidad, pa conoce diferente programa, pa asina desaroya nan talento y na mes un ora, haya sa mas pa ki talento an ta cuadra mas facil.

Esaki lo ta di 9 di mainta pa 1 or di merdia. Tambe ta bay tin un otro programa cual lo ta tumando lugar cuminsando di dia 17 di Juli pa 21 di Juli 2017 na Scol di Arte San Nicolas. Esaki lo bay tin tambe cune, programanan cu tin di haber cu Fashion, fotografia, music editing y lo ta pa e hobennan entre 12 pa 17 aña.

Unoca ta trahando pa asina sigui stimula loke tin di haber cu Cultura y Arte y ta habri pa asina yuda nos hobennan desaroya nan talento.

- Advertisement -

DUNA COMENTARIO

Please enter your comment!
Please enter your name here