Home Policial Riba di 50 caha di whiskey horta di Supermarket

Riba di 50 caha di whiskey horta di Supermarket

454
0
SHARE
- Advertisement -

ORANJESTAD (AAN): Diabierna madruga,  un ciudadano atento a tuma nota di movimentonan straño na e supermarket cu tin na Cura Cabay, esta Kinppo Foodcenter.

Mesora a cuminza yama Polis, debi cu ta nota cu tin diferente auto sospechoso ta saliendo for di patras di e Foodcenter.

Un persona cu a yega cerca, a logra mira cu un di e vehiculonan ta un Nissan Skyline, y el a nota e number.  Mesora a yama Polis, y duna informacion cu bon detaye y descripcion di e Skyline, principalmente e number A-49969.

E bon ta cu net e momento ey, tabatin un patruya den e area y a yega cerca y topa cu e Skyline ta moviendo direccion pariba riba caminda di Savaneta.  E unidad di Polis a bay tras di esaki, for di un distancia te ora cu mas polis a yega.  E ora ey a cende zwaailight cu sirena.

Ora cu Polis a cende su sirena, e chauffeur di e Nissan Skyline a spanta, y a cuminza primi trot y no kier a para mes!

E chauffeur di e Skyline a sigui core caminda di Savaneta te cu Yara.  Dado momento e chauffeur a drenta mondi cu e auto, habri porta y manera cobarde a ranca un careda na pia drenta mondi den scuridad.

Tabata tin un señora den e auto tambe, pero e si no por a logra baha y sali na pia.  Polis a detene, y awor e tin cu bay declara tur cos na autoridad, cu kende e tabata ta, y kende e otro ladronnan ta.

E materialnan cu a haya den e auto, parce cu di berdad nan tin di haber cu e ladronicia di mas cu 50 boter di Whiskey.

Na Kinppo Foodcenter, a bin realiza cu ladron a drenta e negoshi for di dak.  Ora cu a bay check, a hasta nota cu tin sanger eyriba, pues un di e ladronnan estupido a hasta herida su mes.

Polis como tambe Recherche a wordo envolvi, y a base di e detencion den auto, e vehiculo mes, e videonan, y mas detaye, nan lo bay investiga e caso aki y pronto detencionnan lo cuminza cay.

E vehiculo a keda confisca door di Autoridad.

 

- Advertisement -

DUNA COMENTARIO

Please enter your comment!
Please enter your name here