Home General Salubridad Publico cu campaña di concientizacion contra sangura y virus

Salubridad Publico cu campaña di concientizacion contra sangura y virus

9
0
SHARE
- Advertisement -

ORANJESTAD   (AAN): Maritza Ordoñez, dokter di e departamento di Salud Publico y tambe medico consehero, a splica cu e lansamente di nan campaña ta contra e sangura cu ta transmiti dengue, chikungunya y zika. E motibo di e campaña aki ta pa concientisa nos comunidad, pero tambe pa nos como persona, cu ta biba na Aruba, keda responsabel pa nos salud y tambe di otro.

E campaña aki tin un proposito y esey ta pa percura pa elimina of kita tur posibel criadero di den nos cas, rond di nos cas, na trabao, na school of di cualkier otro luga unda cu nos ta frecuenta. Esaki ta envolvi cu por ehempel si por premira cu departamento di Salud Publico cada biaha cu tin yobida, cual a cuminsa caba y lo bin mas, semper ta haya mas notificacion di dokternan di cas tocante di e tres malesanan ya nombra.

Cu esey Salud Publico kier pa recorda semper pa keda responsabel di bo famia, di bo cas, di tur cos. E proposito di esaki ta pa premirando cu e yobida ta bin. Semper ta keda haci enfasis pa mas tanto dengue, pa no lubida cu dengue, si ta trece complicacion. Mas tanto dengue hemoragico. Esey un persona por muri di dje. Awor aki loke kier haci tambe ta pa atende mas cu zika. Lo ultimo cu a reporta cu babynan ta nace cu problemanan di microsefalia y sindromenan neurologico.

Door di esey kier haci e campaña aki pa concientisa, pero tambe pa tene como recordatorio cu si awor aki un persona ta na estado kier encurasha pa su casa of su pareha, uza condom durante embaraso. Si en caso cu un pareha ta planificando pa haya yiu, busca e informacion corecto via dokter di cas via dokter di cas, partera, ginecologo, neonatologo, cualkier hende cu por duna informacion completo y corecto.

No tin cu lubida cu un baby, no solamente tin complicacion pa loke ta microcefalia, pero ta un trauma pa e famia. Door di su malesa, e ta bay keda practicamente cu cuidado te na momento cu por fayece. E no ta facil. Door di esey ta pidi encarecidamente pa tur hende cu ta na estado, purba di proteha bo mes, cu repelente, uza paña largo, no sali prome cu sali prome cu solo sali, no sali prome solo bay awa.

Ta oranan piek pa ora cu sangura ta sali pa pica. Tambe e sangura a cambia su estido di bida, pasobra nan ta pica durante dia tambe.

Tur esey kier como meta di e departamento di salud publico, pa por fabor, keda responsabel di bo cas, keda vigilante y alerta pasobra tin e sangura y door cu nos tin e sangura ey, e malesa ta sigui circula. E ta un di e puntonan principal cu kier trece pa e lansamento di e campaña. Tin un tour riba tur e rayonnan, pa recorda, encurasha tur hende pa no lubida, keda vigilante. Sin criadero, no tin sangura, y si no tin sangura, no tin ningun tipo di e tres malesanan aki.

 

- Advertisement -

DUNA COMENTARIO

Please enter your comment!
Please enter your name here