Home Gobierno Señal di MIO a keda desconecta Diabierna mainta

Señal di MIO a keda desconecta Diabierna mainta

87
1
SHARE
- Advertisement -

ORANJESTAD     (AAN):   Diabierna mainta, pa 8:42 am, Dienst Telecommunicatie Zaken (DTZ) a kita e señal di MIO Aruba.

Esaki ta nifica cu 6 mil telefon cu tabata den servicio di e compania aki a keda sin servicio.

Riba esaki, Minister Richard Arends a splica cu a baha e señal di MIO for di e red di telecomunicacion di Aruba.

E ta haya esaki un situacion hopi desafortuna cu mester a yega asina leu. Pero na momento cu un empresa ta explota un red di celular y e debe cu pais Aruba ta asina halto y no tin mira pa yega na un solucion satisfactorio.

E ora ey e interes di pais Aruba ta prevalece y ta trek in e licencia di MIO pa un debe rond di 15 miyon florin, Minister Arends a indica.

Esaki ta un proceso cu a cuminza for di aña pasa y cu diabierna a yega na su punto culminante.

MIO tin un sistema di licencia pa haci uso di e network cu ta consisti di dos parti. E prome parti ta un concesion di 7.2 miyon florin cu ta pag’e cada 10 aña y riba esey tin cada aña e sumanan cu mester paga.

MIO tin 8 aña na Aruba, pero e compania, cual e doñonan di MIO a adkiri ta un compania cu ya caba tabata existi for di aña 2003 y cu a cumpli parcialmente cu nan debe, a indica.

Nan a cumpra un empresa cu ya caba tabata tin dos of tres aña di e concesion cu a caduca na aña 2014 tabata falta pa paga y a falta pa paga tambe e concesion nobo cu a inicia na aña 2014 (7.2 miyon) como tambe e sumanan periodico pa e añanan 2014, 2015, 2016 y 2017. Esaki den total ta yega na un suma di 15 miyon florin, e mandatario a laga sa.

E tempo ey, como consehero, a bisa, el a purba di yega na un comprondimento di MIO su obheccionnan. Tabata tin casonan den corte tambe y mester a warda pa e casonan aki finaliza.

Pais Aruba a haya razon di huez y pesey por a inicia e proceso di desconexion di e lineanan di e network mobil, Minister Arends a indica.

 

 

 

- Advertisement -

1 COMMENT

DUNA COMENTARIO

Please enter your comment!
Please enter your name here