Home Deporte Sero Blanco Boys a raspa team “Snor”

Sero Blanco Boys a raspa team “Snor”

68
0
SHARE
- Advertisement -

ORANJESTAD (AAN): Diasabra anochi tabata tin un wega hopi anticipa den fanaticonan di domino. Despues cu e team fuerte di Sero Blanco Boys a pone e conocido trabuco nan di Team Caba Co’ pasa den momentonan di angustia, e conocido “Snor” Perez, lider di Team “Snor” y autor di varios teoria straño den domino, a challenge Sero Blanco Boys di biaha. Diasabra ultimo pues e famoso Domino Square Garden na Kudawecha, esta 99 Bar & Restaurant, tabata “jam-packed” cu fanatico pa wak si en berdad Sabana Blanco Boys por wanta nan reputacion di ta e team di momento. No a dura mucho cu por a ripara “Snor” Perez ta morde cabey di snor na un forma nervioso, por bisa te asta spanta. Na un manera convicente Sero Blanco Boys ta yega half time cu score di 11 – 8! Aunke esaki no ta un diferencia grandi, por a sinti toch cu Team Snor tabata manera hik mescos cu auto cu spark plug fayando. Varios integrante di Team Snor a comenta cu “we’re getting our A…s kicked. mientras cu integrantenan di Sero Blanco Boys tabata cana rond cu smile nan grandi ariba cara, como si fuera nan a caba cu aki ta pan den cas tin. Den di dos buelta, por a sinti cu Sero Blanco Boys berdad tabata un “size” mucho grandi pa Team Snor. Pa ora cu Sero Blanco Boys ya caba ta doblando skina yegando pa bay finish, ainda Team Snor ta pega na 11 punto. Na final, Team Snor a hasi un intento di bin back, pero ya e daño tabata hasi caba y na un forma convicente Sero Blanco Boys a gana cu score di 21 – 15, y ta mustra Team Snor cu mihor nan bay revisa nan buki di teoria di domino. Shonnan fanatico di domino, keda pendiente, pasobra ta parse cu Sabana Blanco Boys a bin pa keda! Den dos partido den Domino Square Garden nan a laga un impresion cu aki ta hero duro tin, y manera nos tur sa, bo no por kibra hero cu man! Keda pendiente, pasobra conociendo Snor e ta bay sambuya den su bukinan pa bin cu un teoria nobo! 99 Bar & Restaurant kier a gradici ambos team y nan fanaticonan pa otro super tremendo anochi di domino.

- Advertisement -

DUNA COMENTARIO

Please enter your comment!
Please enter your name here