Home General Si, Si, Si: Venezolanonan a acudi masalmente na e “Consulta Popular” na...

Si, Si, Si: Venezolanonan a acudi masalmente na e “Consulta Popular” na Cas di Cultura

283
0
SHARE
- Advertisement -

ORANJESTAD (AAN) – E yamada a yega directo na e Residentenan Venezolano na Aruba. E Venezolanonan cu tin sed di Democracia, Libertad y Husticia den nan pais, a acudi na cantidad y e rij tabata sumamente largo, te patras di Cas di Cultura e tabata yega.

Por mira atras y keda satisfecho di un Consulta Popular exitoso, cual a wordo solicita pa Asamblea Nacional na Venezuela.

E consulta popular a tuma lugar na Cas di Cultura, Diadomingo 16 di Juli entre 8 am y 4 pm.

Incluso tabata tin facilidad pa transporte pa esnan cu no tabata tin propio transportacion. Kiermen pa yega Cas di Cultura y bay cas bek.

E Consulta Popular aki, manera ta conoci tabata un accion mundial, ademas di Venezuela mes. Y na Aruba por a mira cu esaki tabata uno exitoso unda no solamente esnan residente a presenta pa vota, pero tambe turistanan venezolano cu tabata diadomingo na nos isla.

Luis Zarraga, productor y presentador di television,  a expresa durante su yamada cu el a haci na su paisanonan: “E idea ta cu awor tur Venezolano ta bay na reflexion. Esaki ta un solicitud di Asamblea Nacional, cu ta algo realmente vinculante y decisivo pa e futuro di Venezuela”.

Potretnan: Hubert Tiel (DIARIO) y cortesia di Reynaldo Ponson.

- Advertisement -

DUNA COMENTARIO

Please enter your comment!
Please enter your name here