Home Gobierno Sir Richard Branson a bay hopi impresiona cu e biento na Aruba

Sir Richard Branson a bay hopi impresiona cu e biento na Aruba

146
0
SHARE
- Advertisement -

ORANJESTAD (AAN) – Pa Sir Richard Branson no tin duda cu biento ta un gran aliado di Pais Aruba. Ademas di conoce e parke di molina di biento na Vader Piet cu ta genera actualmente 14% di e electricidad cu nos ta consumi, e empresario mundial a probecha di e bishita na nos isla pa practica un di su deportenan faborito, esta Kitesurfing.

Na Fishermen’s Huts el a topa cu dos profesional di renombre, esta Jeroen Westrate y Annabel van Westerop caminda el a core un poco y disfruta enormemente di su experiencia, confesando tambe cu e lo kier regresa pa haci mas. “Mi ta stima Aruba. Awo boso ta combina boso energia cu e bienta y boso ta combina boso kiting cu e biento, pesey mi ta kere cu ta e miho luga pa bin,” Branson a bisa.

E ta practica e deporte pa ultimo 12 aña y a reconoce e forsa di biento na Aruba remarcando cu mas bo bay afo, bo ta haya e miho condicionnan. Como parti di su bishita algun siman atras pa ceremonia di groundbreaking di Sunrise Solar Park na Lago Heights, el a bishita diferente proyecto di Aruba cu e tin un interes particular den dje manera Parke Solar na aeropuerto, ‘Smart Community’ na Kibaima y Parke di Molina na Vader Piet. Tambe e kier a bay na un beach pa practica kitesurfing ya cu a yega di tende di con bon esaki ta na Aruba.

Ademas, Branson tabata consciente cu Aruba tin beach apto pa esaki tanto na costa zuid como na e costa Noord. E situacion di oilspill cu a afecta nos isla hustamente algun dia prome, a pone cu a opta pa bay na Fishermen’s Huts. “E tabata dushi; e tabata un bon careda,” Branson a expresa apenas cu el a sali for di beach, ya cu segun e mes a bisa, no kier a laga Minister President Mike Eman y Jose Maria Figueres di Carbon War Room riba beach largo tur bisti na camisa y dashi. “Mester bin bek si,” el a añadi.

Anabell a remarca cu Branson a haci bon y e tabata impresiona. “El a maniobra y definitivamente a tuma e biento. Aki’fo ta dificil, pero e tabata special.” Na esaki Branson a comenta cu p’e kitesurf ta e miho deporte cu tin y cu si tin algo cu Arubianonan mester sa di e deporte ta cu e ta hopi mas facil di loke e ta mustra. El a recomenda tuma 4 pa 5 ora di les cu un instructor pa asina cuminsa disfruta di un di e satisfaccionnan mas grandi. Tambe cu awendia e deporte ta hopi mas safe compara cu 10 aña pasa ora cu ainda tabata trahando riba e ekipo y su prestacion. “Mi ta recomenda altamente na boso, sin importa ki edad bo tin.”

Weststrate tambe a keda masha complace cu e bishita di Branson pa kitesurf. “Obviamente e cabayero aki semper ta bon bini na Aruba y nos lo kier kite cune mas sigui,” asina e kitesurfer y empresario local a bisa. Oficina di Ministerio di Asuntonan General a coordina e encuentro aki cu  nos kiters local y ta gradici Jeroen y Anabel pa nan cooperacion. Prome Minister Mike Eman a expresa na e momento ey su deseo di traha mas di cerca cu e sector aki y asina haci loke ta posibel pa su desaroyo y promocion. E siman aki Premier Eman a cumpli riba su prome y a tene un prome reunion na Bestuurskantoor y tambe a atende e ceremonia di entrega di premio di Aruba Hi Winds 2017.

- Advertisement -

DUNA COMENTARIO

Please enter your comment!
Please enter your name here