Home Hudicial Sospechoso di inmoralidad riba mucha di 12 aña ta keda cera

Sospechoso di inmoralidad riba mucha di 12 aña ta keda cera

76
0
SHARE
????????????????????????????????????
- Advertisement -

Aunke cu e a worde maltrata y menaza den KIA

ORANJESTAD (AAN): E caso penal contra e homber S., acusa di haci actonan inmoral cu un mucha menor di edad, no a sigui. Fiscal a bisa cu e caso ta pro forma y pa pospone esaki te dia 29 di September 2017. Abogado a reclama cu ta mucho warda y cu no tin prueba. El a pidi Hues pa laga e sospechoso liber te dia di e caso.

Hues a rechaza e peticion di abogado. E sospechoso S. ta keda sera den KIA te dia di e caso. Señora di e sospechoso na yoramento a bisa Hues cu su casa ta inocente. Hues a bisa e señora cu e señora no por bisa nada y cu no por haci nada tanten cu e caso no worde trata.

HACI COSNAN INMORAL CU MUCHA:

E acusacion cu Fiscal a presenta contra S. ta cudo a reclama cu ta mucho entre 27 November 2013 y 11 April 2016 el a haci cosnan inmoral cu un mucha muher di 12 aña.

Fiscal a bisa cu e caso a bin dilanti pro forma o sea cu no ta bay trata e caso awor. El a propone pa dia 29 di September 2017 pa 10’or di mainta, trata e caso.

ABOGADO :

Abogado di e sospechoso a bisa Hues cu e ta haya cu e pruebanan ta base riba  dos declaracion so cu ta hopi fofo y contradictorio. E no ta kere cu e sospechoso S. lo bay haya castigo. El a pidi Hues pa pospone e detencion di S. te dia di e caso. E abogado a bisa Hues cu S. ta esun cu ta percura pa entrada na cas. Su señora no ta traha.

E abogado tambe a bisa Hues cu un biaha S. a worde maltrata door di presonan den KIA maltrata y un biaha menaza. E ta haya cu mester busca un fecha mas tempran of laga S. den libertad.

REACCION FISCAL:

Hues a puntra Fiscal si no tin un fecha mas tempran. Fiscal a bisa cu no tin otro fecha. Fiscal a reacciona riba loke abogado a trece padilanti, mustrando cu tin un declaracion amplio di e victima y tambe tin declaracion di e maestra di school y famia di e victima.

Fiscal ta haya cu tin suficiente motibo di peso pa S. keda sera. Fiscal a bisa cu e sa cu sospechosnonan pa caso di inmoralidad den prison no ta nada dushi. Fiscal ta haya cu e sospechoso S. mester a pensa bon tur e cosnan aki, promer cu el a dicidi di haci inmoralidad cu e mucha. El a pidi Hues pa rechaza e peticion.

SOSPECHOSO NO TA BAY LIBER:

Hues a bisa cu e ta bay pensa un rato y despues ta dicidi di biaha. Despues di basta rato Hues a bolbe y a bisa cu e ta rechaza e peticion pa laga S. liber. E ta haya cu aki no ta bay si tin suficiente prueba of no, sino cu tin motibo di peso contra S. Hues ta haya cu e interes personal di S. no ta pisa mas cu e interes di e caso. Hues a pospone e caso pa 29 Septemper pa 10’or di mainta.

 

- Advertisement -

DUNA COMENTARIO

Please enter your comment!
Please enter your name here