Home Hudicial Sospechoso ta keda tras di trali debi cu el a estafa cantidad...

Sospechoso ta keda tras di trali debi cu el a estafa cantidad di hende

1403
0
SHARE
- Advertisement -

ORANJESTAD (AAN): E homber R.C. lo no bay liber pendiente di e caso. Hues a bisa cu R.C. ta keda encarcela te dia 25 di Augustus 2017 cu ta e dia cu a dicidi cu ta trata e caso.

    ESTAFA Y FALSIFICA:

E acusacionnan cu Fiscal a presenta contra R.C. ta cu entre 1 Februari 2015 y December 2016, el a falsifica document y estafa un cantidad di hende.

    CASO POSPONI:

Fiscal despues di a presenta e acusacion contra R.C. a bisa Hues cu e caso ta pro forma y cu e ta propone pa e tratamento tuma lugar dia 25 Augustus 2017.

   ABOGADO A PIDI PA LAGA SOSPECHOSO LIBER:

Abogado mr. Faarup a pidi Hues pa suspende detencion di R.C. Na opinion di e abogado, ta cinco persona a worde estafa y cu R.C. a fasifica algun carta di banco. Un ta papia di 5 mil, otro ta papia 10 mil, un otro 90 mil Florin. Un otro 1500 Florin. Si conta tur cos ta mas o menos 125 mil Florin y si mira castigonan cu ta worde duna pa e delito aki, no ta asina pisa.

E abogado a menciona casonan caminda personanan a worde castiga pa sumanan mucha mas hopi, entre 1 y 2 aña di prison. Segun e abogado, actualmente R.C. tin mas o menos 8 luna caba sera den KIA.

El a pidi Hues pa laga R.C. liber pa asina R.C. por averigua contactonan cu Hulanda. Den KIA e no lo por prepara su mes debidamente pa e caso.

   SOSPECHOSO TA KEDA SERA:

Fiscal a reacciona cu e ta contra pa laga R.C. liber. El a menciona cu no ta manera abogado a bisa sino cu tin mas hende estafa y en total ta 12 persona. Fiscal a bisa Hues cu e no ta kere cu awor por laga R.C. liber. Fiscal no ta kere cu e interes di R.C. ta pisa mas cu e interes di e caso.

Hues a rechaza e peticion di abogado pa laga R.C. liber. Hues a bisa cu e interes di e sospechoso no por pisa mas cu e interes di e caso. Hues a pospone e caso pa dia 25 Augustus 2017.

Esaki ta un advertencia directo na tur esnan cu ta estafando pueblo e temponan aki.  Por mira cu Husticia ta haciendo su trabao.  Djis percura pa bo haci denuncia na autoridad pa asina casonan cuminza wordo investiga.

- Advertisement -

DUNA COMENTARIO

Please enter your comment!
Please enter your name here