Home General Specialistanan di inteligencia policial a reuni na Aruba durante CLACIP

Specialistanan di inteligencia policial a reuni na Aruba durante CLACIP

114
0
SHARE
- Advertisement -

ORANJESTAD              (AAN): E ultimo dos dianan aki, a tuma lugar na Aruba e cumbre conoci como CLACIP, cual nifica Comunidad Latino Americana y del Caribe de Inteligencia Policial. Esaki ta e di 12 biaha cu e cumbre aki ta wordo organisa y a toca Aruba e honor di por tawata e anfitrion di e cumbre grandi aki e aña aki.

Na e cumbre aki ta reuni tur e specialistanan di inteligencia policial di region, pa di e forma aki nan por debati y intercambia di opinion como tambe informacion anualmente, riba topico nan di interes comun.  Un di e interes comun nan aki ta manera por ehemepel, e lucha contra di crimen transnacional. Ta pa motibo cu crimen organisa ta hopi activo transnacionalemente, cu diesdos (12) aña pasa, a duna inicio na e organisacion aki, pa di un forma conhunto y solidario, combati crimen den nos region.

Pa loke ta trata crimen transnacional cu ta afectando entre otro Aruba, pero tambe Colombia, ta e situacion inestable cu tin na pais bisiña, esta Venezuela. Prome Minister mr. Mike Eman y Minister di Husticia mr. drs. Arthur Dowers, tambe tawata presente na opening di e cumbre aki. Por a tuma nota cu Minister Dowers desde trempan tawata presente y a hiba combersacion cu varios di e topnan hudicial di varios pais.

A puntra minister Dowers den pauze kico e cumbre aki ta nifica pa pais Aruba como pais miembro di e organisacion aki conoci como CLACIP. Minister Dowers a splica nos, cu e ta di sumo importancia pa pais Aruba, pa motibo cu nos ta un pais chikito rondonan cu laman y mirando nos posicion geograficamente, e ta sumamante atractivo pa criminalnan usa Aruba sea como trampolin pa bay otro destinacion, como tambe pa otro dipo di delencuencia pa na bin Aruba y comete un crimen, pa despues di esaki nan bolbe bandona nos pais. 

Segun e mandatario a splica, cu ta durante e tipo di cumbrenan manera esaki, ta discuti varios puntonan importante pa contra aresta crimen organisa y transnacional cu ta afecta tur pais den region y sigur un mas cu e otro.

- Advertisement -

DUNA COMENTARIO

Please enter your comment!
Please enter your name here