Home General STA cu reunion fructifero cu mediador y gerencia di Arubus

STA cu reunion fructifero cu mediador y gerencia di Arubus

24
0
SHARE
- Advertisement -

ORANJESTAD (AAN) – Sindicato Trahadornan di Aruba (STA) a cuminza e siman cu un reunion cu mediador di Gobierno, cual a tuma lugar dialuna mainta, tocante e caso Arubus.

E reunion tabata conhuntamente cu Gerencia di Arubus, basa riba un protocolo cu e partinan a firma dia 10 di Februari ultimo.

Sindicato STA, conhuntamente cu e delegadonan di Arubus ta sinti cu e compania no a cumpli debidamente cu e protocol menciona, segun Diego de Cuba a declara na Matutino DIARIO.

“Nos a bisa cu como cu e ta firma conhuntamente cu mediador, lo tabata bon pa nos hala mediador na mesa y mirando e situacion tenso cu tin tambe na Arubus, pa nos trata di yega na un palabracion concreto, pero cu un fecha tambe pa esaki wordo cumpli cune”, Diego de Cuba a duna di conoce.

De Cuba a duna di conoce cu STA a yega na un solucion pa loke ta trata e stapnan salarial cual nan lo hala pega na otro di manera cu na lugar di diez lo conoce ocho stap. Den esaki tin hende cu lo mester haya ahustacion di salario cu forza retroactivo te Januari 2017.

“Tambe nos a trata e asunto di busnan cu ta den mal estado, y cu mester di un ampack plan pa con nan ta bay anda cu drechamento di e busnan aki. Nos sa cu e situacion di Arubus no ta mucho di canta macamba, pero akinan nos ta kere cu lo hala minister aden atrobe y nos a haci un apelacion pa cu esaki na mediador sr. Anselmo Pontilius”, Diego de Cuba a duna di conoce.

El a splica cu e intencion ta pa e delegacion di STA hunto cu Arubus sinta na mesa cu e dignatario y cu mediador tambe, pa nan trata di yega na solucionnan concreto pa locual ta e situacion di e compania.

De Cuba a menciona cu tambe nan a trata e asunto di pension, cu nan kier a mira claridad riba dje, y riba esey Gerencia a priminti cu pa Diabierna awor ta bay tin claridad al respecto.

“Y si tin hendenan cu mester haya placa bek nan lo haye y tambe cu forza retroactivo. Pa loke ta trata e sindicato tabata un reunion bastante fructifero y mi ta kere cu nos a logra nos meta”, señor Diego de Cuba, presidente di STA a conclui.

- Advertisement -

DUNA COMENTARIO

Please enter your comment!
Please enter your name here