Home Politica Sterilisacion di animalnan y conscientisacion di doñonan di animal e solucion di...

Sterilisacion di animalnan y conscientisacion di doñonan di animal e solucion di bestianan riba caya

18
0
SHARE
- Advertisement -

Kenny Montero di POR

ORANJESTAD (AAN): Ultimo tempo nos por ripara riba rednan social e problematica di cacho y pushinan indesea cu ta termina riba caya ta for di control. E Problema di bestia riba caya no ta asina for di awo, sinembargo e ta un problema cu pa hopi aña a worde neglisha.

Ultimo tempo a mira esfuerso di diferente departamento/ organizacion a cuminsa lanta cabes y tabatin diferente campaña di sterilisacion. Tambe a logra introduci un Ley di Cacho cu e meta pa controla e problema di cachonan cu tin riba caya cual riba su mes ta un bon iniciativa, sinembargo falta hopi trabao ainda.

Partido Pueblo Orguyoso y Respeta (POR) tin e problema aki hopi na pecho y tin su atencion pa cu esaki. Posicionando mi mes riba lista di POR, manera diferente persona por a wak via Facebook entre otro, cu esaki ta algo cu mi ta hopi pasiona cu ne, banda di mi profesion cu mi ta eherce cu ta siribi comunidad den Cuerpo Policial. Durante dia mi ta atende diferente caso riba diferente tereno sea ta situacion/problema social cu hendenan grandi, hobennan, adictonan ambulante y tambe bestia entre otro.

Pa loke ta bestianan particularmente, mi ta tratando di concientisa e pueblo Arubano di e problematica aki y con lo por minimalisa esaki. Ami ta kere fielmente cu conscientisacion di e doñonan di bestia, pa mustranan riba nan responsabilidad como doño responsabel. Tambe sterilisacion di bestianan di caya lo ta e solucion pa minimalisa e cantidad di animalnan indesea cu ta termina riba caya y tambe esun nan cu ta termina den e infamoso “Kill Cage”. Ami ta kere cu enbes cu Gobierno funda e “Kill Cage” so.

Lo ta un miho idea pa e uza parti di e suma ey y funda e fundacionnan, cu tin na Aruba cu ta organiza campañanan di sterilisacion di cacho y pushinan di caya. Tambe conhuntamente cu e veterinarionan na Aruba, organiza campañanan algun biaha pa aña, unda cu doñonan di mascotanan por hiba nan mascotanan sterilisa na un costo reduci. Esaki sigur lo bay reduci e cantidad di bestianan indesea riba caya y na mes momento reduci animalnan cu ta termina den e “Kill Cage” na Wayaca.

 

- Advertisement -

DUNA COMENTARIO

Please enter your comment!
Please enter your name here