Home Hudicial Supuesto abogado condena na 1 aña y 6 luna di prison

Supuesto abogado condena na 1 aña y 6 luna di prison

746
0
SHARE
- Advertisement -

ORANJESTAD (AAN) – Diahuebs mainta Hues di Corte den Promer Instancia a condena e supuesto abogado of consehero huridico R.G. pa e cantidad di falsificacionnan y estafa cu el a haci. El a wordo condena na 2 aña y 6 luna di prison di cual 1 aña di prison ta condicional cu un tempo di prueba di 2 aña. Ademas R.G. lo mester paga placanan bek na esnan cu el a estafa y Corte a pone e medida di pago. Esey ta nifica cu si R.G. no paga, e lo bay sera pa un periodo.

Na November 2016, R.G. a wordo deteni y sera na KIA. For di Februari 2017, pa ser exacto dia 10 di Februari 2017, R.G., su caso a keda wordo posponi te cu Juni 2017. Hopi hende kier haya nan placa bek y kier mira husticia wordo haci. Ta asina cu tratamento di e caso a keda posponi pasobra R.G. ta hayando tratamento pa su enfermedad y no tabata por ta presente den Corte. Ademas di esey, e no por a haci asistencia di abogado. Finalmente esaki a keda regla y e tratamento di e caso a tuma lugar dia 22 di Juni 2017 y ayera tabatin sentencia.

ACUSACIONNAN

E acusacionnan cu tin contra R.G. ta:

– Falsifica permiso: Den e periodo di 1 Augustus 2013 te 11 November 2016, R.G. ta wordo acusa di a pretende di ta un abogado of un consehero huridico, caminda el a falsifica documentonan cu logo di Pais Aruba, DPL y DIMAS usando firmanan di personanan autoriza. Door di esaki el a crea e impresion cu ta trata di permisonan legal di trabao y estadia pa cantidad di extranhero.

– Falsifica documentonan: Tambe ta acusa R.G. di a falsifica documentonan di Censo y registracionnan di Corte, caminda personanan a pag’e pa haci e trabou keriendo cu esakinan ta legitimo.

– Falsifica cartanan. Den e periodo di 1 di Juli 2014 te cu 11 November 2016, R.G. ta wordo sospecha di a falsifica documentonan, entre otro permisonan di trabou y estadia, declaracionnan pa drenta mercado laboral di Aruba. Ademas el a falsifica documento di Censo, cartanan di DIMAS.

– R.G. ta wordo acusa di a falsifica un decision di Raad van Staten, un carta di Banco Central y un carta di Corte Superior.

– R.G. tambe ta wordo acusa cu den e periodo di 1 di November 2013 te 22 di April 2015, el a  falsifica un carta di PWC.

Ademas el a traha mas cartanan falso pa ocho persona entre 1 Mei 2015 te 6 October 2016. Ta asina cu R.G. a admiti un cantidad di hechonan cu el a haci, di cualnan Fiscal a selecta pa forma parti di e grupo grandi di acusacionnan cu tin.

  • Horta placa

. Fiscal tambe ta acusa R.G. cu den e periodo di 8 di October 2012 te cu 20 di Juni 2013, den su rol di consehero huridico of mediador, a horta un suma di placa.

CASTIGO

 

Hues di Corte den Promer Instancia a haya R.G. culpable di tur e acusacionnan y a conden’e na 2 aña y 6 luna di prison, di cual 1 aña di prison ta condicional cu un tempo di prueba di 2 aña.

Ademas, Hues a condena R.G. cu e mester paga bek e sumanan cu el a estafa hende y cu a stipula e medida di pago. Esey ta nifica cu Ministerio Publico lo pone presion pa R.G. paga bek. Si e no paga bek, e lo haya un castigo di prison.

- Advertisement -

DUNA COMENTARIO

Please enter your comment!
Please enter your name here