Home General Tormenta Tropical Don a nace y ta manera move mescos cu Bret

Tormenta Tropical Don a nace y ta manera move mescos cu Bret

1832
1
SHARE
— Mapa di Dialuna atardi 4:00 pm, indicando e posible direccion cu Don lo tuma.
- Advertisement -

ORANJESTAD (AAN): Dialuna atardi, National Hurricane Center a nota cu e Ola Tropical fuerte riba Oceano Atlantico a intensifica, y a converti su mes den un Tormenta Tropical.  El a haya e nomber “Don” tambe.

Dialuna atardi 4:00 pm, e centro di Tormenta Tropical Don tabatana 11.2º Nort y 52.6º West.

Velocidad maximo di bientonan ta di 64 km/h, cu rafaga cu ta yega te na 80 km/h.

— Potret di satelite di 5:45 pm.

E ta moviendo direccion West cu 27 km/h.

Un avion di Air Force Mericano cu a investiga e area di Tormenta Tropical Don, ta esun cu a descubri un circulacion chikito pero bon-defini, y un area chikito di biento fuerte riba e parti pariba di e semi-circulo di circulacion.

Pero e centro no ta bon organiza, pero tog tin un banchi curva banda panort di e centro, y algun nubia diki a forma cerca di e centro chikito di circulacion riba Dialuna atardi.

Basa riba e informacion aki, a cuminza trata esaki como Tormenta Tropical, e di cuatro di e temporada di 2017 pa Oceano Atlantico.

Don ta aworaki den un ambiente unda no tin hopi biento duro cu por destrui e tormenta, y lama ta cayente.  Pues e lo por sigui bira mas fuerte awe Dialuna anochi y tambe Diamars.

Unavez cu e sistema aki drenta banda pariba di Lama Caribe, biento fuerte di nivelnan mas halto cu ta bin di pabao, y tambe fluho fuerte di biento na nivel abao, lo bay pone e circulacion chikito habri mas.

Tog NHC ta calcula cu e mal tempo aki lo pasa hopi rapidamente direccion west, danki na e bientonan fuerte cu tin actualmente den Caribe.  E pronostico ta indica cu e ta tumando casi mesun ruta cu Tormenta Bret di algun siman pasa.  Pero e biaha aki, e lo ta moviendo mas rapido, y pa Diaranzon anochi e lo ta yegando den e area aki.

- Advertisement -

1 COMMENT

DUNA COMENTARIO

Please enter your comment!
Please enter your name here