Home Deporte Tres atleta di Aruba Athletic Federation a viaha pa Turijio, Peru pa...

Tres atleta di Aruba Athletic Federation a viaha pa Turijio, Peru pa competi den e Panamerican U20 Track and Field Championship

22
0
SHARE
- Advertisement -

ORANJESTAD (AAN): Diaranzon ultimo tres atleta miembro di Aruba Athletic Federation a biaha pa Turijio, Peru unda nan lo competi den e Panamerican U20 Track and Field Championship. Bou guia di coach Kenneth Lucas e atletanan di Aruba lo competi contra di e miho atletanan di U20 den nos continente. Mester bisa cu e atleta Brishen Risco Gomez lo participa den e 100m y 200m plano y Toni Lisa Brown cu lo participa den e disciplina di salto largo. Tur dos atleta tin nan experiencia na nivel internacional. Algun luna atras e dos atletanan a competi den e Carifta Championship 2017 na Corsow.

No tin duda cu e atletanan aki lo bay haci un bon papel den e campeonato Panamericano U20 di atletismo na Peru. Cada uno a hiba un preparacion extenso den nan disciplina y ta cla pa demostra esey pa Aruba henter por mira. Despues di e atleta elite di atletismo, Quincy Breell nos tin mas atleta cu lo sigui su paso pa yega na e top mundial den e deporte madre di Olimpismo.

Un danki sigur na Lotto, e Loteria di Aruba pa medio di Comision di Subsidio cu a subsidia e biaha di e atletanan di atletismo pa Panamerican Championship U20 na Turijio, Peru

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organiza loteria, cambia bida di su hungadornan y na mes momento inverti den deporte local pa medio di donacionnan na e Comision di Subsidio.

- Advertisement -

DUNA COMENTARIO

Please enter your comment!
Please enter your name here