Home Policial Turista cu a bay snorkel haya sin bida den lama na De...

Turista cu a bay snorkel haya sin bida den lama na De Palm Island

2459
0
SHARE
- Advertisement -

ORANJESTAD   (AAN): Un turista cu ta na Aruba cu su famia a muri na De Palm Island. Ta un turista adulto caba. Esnan cu ta LifeGuard a bati alarma pasobra nan a haya un bishitante masculino cabez abou den lama. E lo a bay snorkel y probablemente e lo a haya un ataka di curazon.

A logra saca e persona for di awa y cuminsa reanima mientras cu yudanza di Paramediconan di Ambulance tambe tabata na caminda. Ora cu ambulance a presenta e Paramediconan a tuma over. 

A traha cu e victima pa basta rato pero na final ta dokter mester a wordo yama pa constata morto. E curpa a wordo duna liber pa e famia cu tabata presente na De Palm Island.

No tabata parce mesora di un caso di hogamento of crimen. Paz na su restonan. Mientras cu e caso ey tabata andando, a sosode tambe un accidente chikito.

Un otro turista a slip dal cabez na un di e actividadnan acuatico. Personal di ambulance presente a atende mesora. No a bay cune Hospital pero a conseh’e si pa e pasa Eerste Hulp pa asina wordo atendi.

- Advertisement -

DUNA COMENTARIO

Please enter your comment!
Please enter your name here