Home Remitido Un caminda di cruz pa haya un rijbewijs aki na Aruba

Un caminda di cruz pa haya un rijbewijs aki na Aruba

50
0
SHARE
- Advertisement -

Remitido

Pa bo por logra haya un rijbewijs Arubano a bira manera un caminda di cruz. Antes bo por a pasa e examen pa haya un rijbewijs arubano na e wardanan di polis San Nicolas y Oranjestad.  E tempo di espera pa haya un fecha pa pasa examen tabata entre dos pa tres luna.

Den añanan 2006/2007 Cuerpo Policial Arubano (KPA) a bin cu idea pa centralisa e pasamento di e examen. A institui Buro Examenrijbewijs y a worde ubica den e warda di Polis na Sta Cruz.

Na mes momento sr. Wilfred Hart y sr. Stanley Eduarda y cu ayudo di Sr. Otty Oliviere den felis memoria  a worde encarga pa bin cu lesmateriaal nobo y tambe pa introduci un systema moderno y automatisa cu ta worde usa den casi tur paisnan di Reino Hulandes (cu excepcion di Aruba) pa hopi tempo caba.

Pa un motibo of otro e proyecto aki nunca a mira lus di dia y a worde poni den lachi di olvido.

Mientras tanto e poblacion a sigui crece y e peticion pa haya un rijbewijs arubano a crece enormemente. Actualmente si bo inscribi pa un fecha pa pasa examen  ta te mas o menos aki un aña lo bo  haya un cita. Ironia di bida ta cu gobierno ta tuma e suma di 90 Florin pa inscripcion for di e kandidato y ta despues di un aña ta duna e servicio.  Esaki ta increibel y inacceptabel y tin como consequencia cu:

(*) Ta worde promovi cu e chofernan cu tin mester di un rijbewijs sea pa trabao, compra di un auto of algun otro motibo ta core auto sin tin un rijbewijs valido;

(*) Seguridad y tranquilidad den trafico ta worde poni na peliger pa falta di conocimento di e reglanan local di trafico;

(*) Personan cu tin como profecion duna les di coremento di auto ta worde perhudica den nan  entrada.

Pa tur problema tin soluccion. Sr. Alex Pieters di KPA a tuma e iniciativa pa bin cu un Proyecto Piloto  cu ta encera automatisacion y modernisacion di e systema di pasamento de examen.

E systema nobo aki a worde getest y a demonstra di ta funciona. (*) Cu e systema actual cada mei ora 1 kandidato ta worde examina. Dus 2 pa cada ora y mas o menos 14 candidato pa dia.

Introduciendo e sistema nobo (multiple choice) klassicamentel 15 a 20 kandidato den mei ora lo worde examina.  E restraso cu tin lo worde recorta drasticamente.

Pa permiti introduccion  di e systema nobo aki un cambio chiquito tin cu worde haci den articulo 6 lid 2 di e Ordenansa di Trafico cu ta regarda pasamento de examen pa obtene un rijbewijs arubano.

Segun ultimo informacionnan for di den seno di KPA nan ta cla pa cuminsa cu introduccion di e systema piloto.

Solamente falta e Decreto Ministerial cu lo haci e introduccion di e systema nobo aki possible.

Ta urgi e minister di justicia, bow cual e asunto aki ta resorta, pa tuma accion den e asunto aki pa asina introduccion  di e systema nobo tuma lugar mas pronto cu ta posibel.

 

Rolando Maduro,

Maduro Autorijschool.

 

- Advertisement -

DUNA COMENTARIO

Please enter your comment!
Please enter your name here