Home Politica Un politico cu vision y mision unda e hende ta importante

Un politico cu vision y mision unda e hende ta importante

88
0
SHARE
- Advertisement -

Robin Ann Didder di POR:

ORANJESTAD (AAN): Un politico ta traha pa su pais y su pueblo, esaki ta bo candidato riba e lista di POR Robin-Ann Didder, un politico cu su prioridad, ta cu e persona ta na prome luga.

Enseñansa ta den crisis esaki mester di su atencion y mi ta sigur cu cierto componente nan den enseñansa mester worde cambia, pa nos por wak mehoracion. Tin cambio na short- y longterm den enseñsa cu tin cu tuma luga. Enseñansa no ta un fast return investment e lo tuma su tempo pero si nos traha cu nos nanishi den e mesun direccion hunto nos lo logra.

Tin diferente puntonan cu mester traha riba dje y cu tin atencion di partido P.O.R.:

Introduci Papiamento como idioma di instruccion den e prome klasnan di school basico.

Atencion pa nos muchanan den enseñansa special y e cuido di muchanan den creche.

Oportunidad pa docente desaroya nan mes y implementa esaki na school.

Inverti percura pa material necesario di enseñansa (digitalisa enseñansa).

Mehora y revisa curriculum di cada tipo di school y crea mas school multilingual.

Encurasha y trece oportunidad  pa nos studiante logra nan diploma.

Crea mas oportunidad pa MBO y HBO na Aruba.

Inverti den infrastructura di schoolnan cu a keda atras bashi como monumento.

Campaña general pa muchanan ta mas activo den, deporte, arte y cultura.

Enfoca pa schoolnan ta mas saludabel y traha riba siguridad paden y pafo di school.

Atencion pa ley di Leerplicht.

Colaboracion entre directiva di schoolnan, inspeccion, examenbureau y directie onderwijs.

Esaki ta algun puntonan cu mester di atencion pa por cuminsa pone hunto e piedra nan necesario pa cuminsa cana e caminda pa cuminsa drecha enseñansa en general. Sinembargo no ta un partido of un minister so por logra e meta aki pero tur esnan cu ta forma parti di e organo den enseñansa.

Hunto y cu e sosten di e mandatario por logra e meta pa un miho organo di enseyansa y alavez ta crea muchanan, hobennan y adultonan di nivel cu Aruba tin mester pa sigui carga pais Aruba. Cu bo sosten den mi persona como educadora mi lo tey pa traha hunto cu bo pa nos Aruba. Trabao ta cuminsa despues di e eleccion y lo mi mustra cu bo voto no a bay perdi.

 

- Advertisement -

DUNA COMENTARIO

Please enter your comment!
Please enter your name here