Home Enseñanza Un total di 78 studiante di Salubridad & Servicio a gradua

Un total di 78 studiante di Salubridad & Servicio a gradua

207
0
SHARE
- Advertisement -

ORANJESTAD   (AAN):  Un total di 78 studiantenan di EPI a gradua den “welzijn”, assistent di boticario y nurse nivel 3 y 4. Tur a huramenta dilanti Minister di Salud Publico, Cuido di Nos Grandinan y Deporte, Dr. Carlos “Alex” Schwengle. Na EPI sector Salubridad & Servicio tin 3 diferente opleiding y den nan tin 10 Assistent di boticario cu a gradua, 13 verpleegkunde niveau 4, 11 verpleegkundige niveau 3, 19 graduado den sector di Welzijn niveau 4 grupo A y 11 graduado den sector di Welzijn niveau 4 grupo B. Un total di 13 persona a gradua den sector di Welzijn niveau 3 y 1 persona a gradua den maatwerktraject traimerdia.

Ora cu ta huramenta ta pone cliente na prome luga, segun e normanan cu ta eherce den e pais, pero tambe ora di huramenta ta respeta e persona. Ta respeta tur dato cu e persona ta duna y mester tene den secresia, Minister Schwengle a expresa. “Esey ta un promesa cu bo ta haci, na bo mes pero sigur na bo cliente”, Minister Schwengle a splica.

Hopi profesional ta huramenta, pero no ta den tur profesion ta huramenta. Den hopi sector di salubridad ta huramenta manera dokter y nursenan, pero tambe verzorgden y assistent di boticario. Den e caso di “welzijn medewerkers” oficialmente nan no ta haci huramento, pero desde aña pasa a introduci esaki tambe pa nan.

Pa e motibo aki a introduci e parti di huramentacion na e trahadonan di bienestar, pasobra nan tambe ta bay cas di clientenan. Nan ta prepara den social pedagogico di cual nan tin hopi contacto cu cliente y sa hopi secreto di e pashentnan.

Ministerio di Salud Publico a haya cu ta prudente pa introduci huramentacion pa trahadonan di bienestar. Tin biaha na caminda hende por lubida loke nan a huramenta y pa e motibo aki Minister Schwengle a bisa e graduadonan pa nan no lubida loke nan a huramenta. Huramentacion ta hopi importante pasobra e ta un promesa cu un persona ta haci na su prohimo cu den e profesion e lo pone su cliente na prome luga.

- Advertisement -

DUNA COMENTARIO

Please enter your comment!
Please enter your name here