Home General Venezuela a cera su espacio aereo pa motibo di eleccion di Constituyente

Venezuela a cera su espacio aereo pa motibo di eleccion di Constituyente

47
0
SHARE
- Advertisement -

ORANJESTAD   (AAN): E Instituto Nacional di Aeronautica Civil di Venezuela (INAC) a emiti un comunicado cu ta informa di e prohibicion di operacion y circulacion aereo den henter e teritorio nacional pa aeronavenan di aviacion general (actividad aeronautica civil no comercial) y priva (operacion di aeronavenan sin contraprestacion economico) desde diasabra 29 di Juli for di 10’or di mainta te cu dia 31 di Juli pa 10’or di mainta.

Tambe a prohibi vuelo di aeronavenan no tripula, manera Drones y/o UAV, durante e mesun periodo di tempo.

Esaki por a wordo destaca cu na Juni ultimo un helicopter Bolkow-105 di Cuerpo di Investigacionnan Cientifico, Penal y Criminalistico (CICPC) a realisa un atake contra e Tribunal Supremo di Venezuela.

E informacion di e restriccion, a duna di conoce pa e abogado aeronautico Rodolfo Ruiz, kende ta atribui na e causa di e restriccion ante e proximo eleccion cu a tuma luga diadomingo, dia 30 di Juli na Venezuela.

Tin cu menciona, apesar cu e medida aki a drenta na vigor desde diasabra, ya for di diahuebs caba vuelonan cu Avianca Aruba-Bogota-Aruba, a bira mas largo. Antes e tabata 1 minuut y 20 minuut. Awor ta tuma casi 2 ora pa por yega e destino. Esta 40 minuut mas, debi cu ta desvia for di e espacio aereo Venezolano, usando un ruta mas largo. Esaki sigur tin su consecuencianan pa e vuelonan cu ta sali pa y for di Colombia aki na Aruba, mirando cu e ora di espera ta mas largo cu normal.

Tin cu agrega tambe cu e Asociacion Internacional di Transporte Aereo (IATA) a menciona diabierna, den un comunicado di e Gobierno di Venezuela, pa respeta e standardnan internacional pa sigura e sostenibilidad di e transporte aereo den e pais aki y a adverti cu nan ta perdiendo conexion cu e resto di mundo.

Esaki sigur a wordo sinti cerca e pasaheronan na Aeropuerto Reina Beatrix, cerca tur vuelo pa Colombia, ya menciona caba den e articulo aki. Y pio ainda tin e pensamento cu e falta di confiansa cu tin pa avionnan pasa den nan espacio aereo, pa rasonnan di siguridad.

Apesar cu te dia 16 di Augustus, e operacionnan di Avianca lo suspende su operacionnan pa y for di Venezuela, ya diahuebs esaki a tuma luga. Manera nos a ilustra, e pasaheronan riba e vuelo for di Bogota pa Aruba, a sinti esaki cu e rerouting cu a tuma luga pa bay Aruba.

Tambe diabierna Avianca a anuncia cu nan lo suspende su vuelonan pa Barbados te ora cu nan reorganisa nan plannan di vuelo sin tin cu pasa door di espacio aereo Venezolano.

Lo tin cu bay wak kico ta e reorganisacionnan di Avianca, si en caso cu nan lo bay tin un ruta alterno, mas conveniente pa su pasaheronan na Aruba, of e lo bay keda na e manera cu e ta tumando luga, desde diahuebs.

 

- Advertisement -

DUNA COMENTARIO

Please enter your comment!
Please enter your name here