Home General Vicepresidente di UEA no ta compronde pakico 80 trahador di ELMAR kier...

Vicepresidente di UEA no ta compronde pakico 80 trahador di ELMAR kier bay cu STA

181
0
SHARE
- Advertisement -

ORANJESTAD (AAN) – Gilbert Ruiz, vice presidente di Sindicato UEA, a reacciona tocante e hecho cu 80 trahador di NV Elmar a scoge pa wordo representa pa STA.

Ruiz a menciona cu Mediador enberdad a yama nan, informa nan cu STA a pidi un referendum, pasobra segun nan di tin 80 firma, pero UEA no a haya e 80 firmanan ey cu a tuma retiro for di nan.

EUA a bisa mediador cu nan no tin nada contra e referendum y nan tambe ta participa. Ruiz a subraya cu EUA no sa kico a pasa cu e 80 trahadornan ey, kizas nan a lanta cu pia robes e dia ey, y nan a dicidi di tuma un otro caminda.

El a expresa cu e no sa kico e trahadornan ta papia cu nan no ta haya nada for di EUA, cu mas bien ta tratando dos aspecto, e pension fonds cu ta na bienestar di tur cu ta miembro, y nan ta bezig ta trahando riba un plan social, un protocol y un pakete pa esnan cu ta desea, boluntariamente, di abandona e compania pasobra nan no ta di acuerdo cu e structura nobo.

Ruiz a señala cu nan no a firma nada manera sr. Diego de Cuba a bisa, pa condena ningun trahador. “Al contrario, un protocol cu nos a firma sigur, ta pa defende e trahador”, Gilbert Ruiz a subraya.

E punto 1 den protocol ta bisa bon cla cu tanten cu e structura nobo cu Gerencia di ELMAR kier bin cune, si no cuminza di top bin abao, e no ta conta pa EUA tampoco.

“Kiermen, entrante 1 di Januari 2018 si Gerencia no ta cla cu e structura nobo eynan y mas bien e ta pa scapa e trahadornan”, segun e vicepresidente di e sindicato.

 

 

- Advertisement -

DUNA COMENTARIO

Please enter your comment!
Please enter your name here