Home Enseñanza 121 Studiante pa Merca of Canada e aña aki

121 Studiante pa Merca of Canada e aña aki

184
0
SHARE
- Advertisement -

ORANJESTAD  (AAN): Minister Michelle Hooyboer-Winklaar ta minister di enseñansa y e ta conta di e cantidad di studiantenan cu a dicidi di bay studia afo. E ta splica cu sigur e factornan cu ta determina si un studiante ta keda studia aki na Aruba of den vecindario, kisas na Corsou of si ta tuma e rumbo di Hulanda of Merca of Canada, esey ta algo cu sigur den e ultimo añanan a enfoca riba tur diferente posibilidad. Habriendo oportunidad pa nos studiantenan, sea si ta akinan mes nan kier keda of si nan ta aspira pa bay den exterior.

Cu sa, ta purba di habri mas hopi posibilidad pa nan por haci esaki na un manera cu pa nan ta accesibel pa loke ta trata e parti di finansas y obviamente si tin cualkier acuerdo cu diferente universidad of college of HBO.

Esey ta un di e metanan cu sigur gobierno a pone su dilanti den e ultimo añanan y cu e aña aki na 2017, ta mira sigur un aumento significativo di e cantidad di studiantenan cu no solamente drentando den enseñansa superior, esta nan kier studia na nivel di MBO/HBO of WO, pero tambe un diversificacion den e cantidad di studiantenan cu kier scoge paisnan, sea ta Merca, of Canada of den region, cu den pasado kisas no tabata un cantidad asina hopi, pero cu sigur a wak awo un trend den e aña aki cu ta mustra nos cu e interes ta hopi grandi, pa studia den e region, pero tambe interes en general pa sigui un estudio na nivel di enseñansa superior, cual pa Gobierno ta sumamente importante.

Por a mira cu na Aruba mes tin mas of menos 13% di nos poblacion cu tin un diploma na nivel di HBO of WO y esey sigur ta un cantidad, un porcentahe cu kier wak den futuro aumenta. E tin su bentahanan pa e studiante mes pa desaroyo individual, pero claro pa nos como un pais cu mas hende cu tin diploma, mas hende cu ta educa na e nivel ey, ta yuda nos pais progresa. Ta sumamente contento riba esaki. Por mira un crecemento. E aña aki tin un cantidad di 699 studiante en total cu ta drenta pa e prome biaha den enseñansa superior. Esey ta un aumento di 20%, compara cu aña pasa y 50% compara cu dos aña pasa. E trend sigur ta wak un aumento significante y si wak e cantidad di studiantenan cu ta bayendo Merca of Canada, esey a triplifica. Tin un cantidad di 121 studiante cu ta rumbo pa Merca of Canada pa un di e college of universidadnan cu tin un acuerdo cu nan.

- Advertisement -

DUNA COMENTARIO

Please enter your comment!
Please enter your name here