Home Enseñanza Ainda tin chens pa registra pa OGM na Universidad di Aruba

Ainda tin chens pa registra pa OGM na Universidad di Aruba

30
0
SHARE
- Advertisement -

ORANJESTAD (AAN): Ainda tin chens pa registra pa studia Organization, Governance, and Management (OGM) na Universidad di Aruba.  E programa di estudio ta hopi interesante y na cuminsamento di aña 2017 a tende cu e estudio ta cumpli cu e criterionan di calidad di Nederlands- Vlaams accreditatieorganizatie (NVAO).

OGM ta prepara studiantenan pa ta consehero di maneho (beleidsmedewerker) den sector publico of priva, pero alavez e studiante ta prepara pa bira manager. Otro careranan cu studiantenan lo por ehecuta una bez cu caba e Bachelor di OGM ta consultant of investigador (researcher) den organizacionnan publico of priva.

Puntonan di enfoke den e programa ta studia organizacionnan di diferente perspectiva, aplica teoria den practica y investigacion (research). E enfasis den e programa ta e desaroyonan global y tambe esnan relaciona cu e situacionnan local. Banda di esaki e studiante ta siña abilidadnan academico general cu lo contribui pa nan bira profesionalnan critico y analitico.

Den e di tres aña tin e posibilidad pa haci un intercambio educational (exchange) den exterior of un pasantia (stage) di cinco luna. Studiantenan cu scohe pa haci un intercambio educational tin e oportunidad di bay entre otro Universidad na Utrecht, Frankfurt University for Applied Science,  Universidad di South Carolina of otro institutonan cu a firma un convenio cu Universidad di Aruba.

Den pasado studiantenan di OGM a haci nan pasantia (stage) na por ehemplo Deloitte, Fundacion Cas pa Comunidad Arubano (FCCA), Departamento di Finanzas Publico, Departamento di Enseñansa, Korps Politie Aruba y Dr. Horacio Oduber Hospital. Aña academic 2016-2017 studiantenan a haci na pasantia na entre otro Fundacion Anti Droga Aruba (FADA), Arubaanse Voetbal Bond (AVB), Marriott Resorts and Stellaris Casino y Hilton Aruba Caribbean Resort & Casino.

Si bo ta desea di ta un manager y bo tin un diploma di EPI nivel 4, HAVO of VWO ainda bo por inscribi. Pa mas informacion tocante inscripcion pa e estudio di OGM por pasa na e oficina di asuntonan di studiante (OSA) na Universidad di Aruba banda di unda antes tabata Superfood.  Tambe por registra on-line na www.ua.aw

 

- Advertisement -

DUNA COMENTARIO

Please enter your comment!
Please enter your name here