Home Turismo Aruba Certification Program cu sesion dirigi na ehecutivonan den sector turistico

Aruba Certification Program cu sesion dirigi na ehecutivonan den sector turistico

13
0
SHARE
- Advertisement -

ORANJESTAD     (AAN):   Riba 22 di augustus 2017, e  team di Aruba Certification e programa di certificacion crea netamente cu pensamento cu e balor humano ta esencial den sector turistico, a organisa un sesion interactivo pa ehecutivonan den sector turistico y  esnan cu tin coneccion cu esaki.

Den e sesion aki a duna informacion sumamente importante tratando producto Aruba, tanto conocemento di e producto aki y tambe ideanan treci dilanti door di e ehecutivonan con pa mehor’e. E tema aki ta sumamente importante pa e team di Aruba Certification; a base di e informacion ricibi lo crea un curso pa ehecutivo, unda lo duna nan e hermentnan necesario pa asina por keda inverti den nan capital humano di nan compania. No solamente companianan den sector turistico pero cualkier compania riba nos isla.

Un di e puntonan escencial cu a wordo treci dilanti ta cu hopi e conocemento di Aruba, su historia y cultura no ta tur ora mesun presente cerca tur hende.

Netamente esnan cu ta bin den contacto cu nos bishitantenan ta e personanan cu mester tin e informacion aki corecto, pero ta resulta hopi biaha di ta un reto. Esaki ta unda e balor agrega di un programa manera Aruba Certification Program ta demostra su balor.

Un pregunta clave durante e sesion aki tabata; “con por promove un producto cu un persona no conoce?’

Durante e presentacion a elabora extensamente riba e balor agrega di tin informacion corecto y consistente di Aruba.

E team completo di Aruba Certification Program ta extende un palabra di gratitud na tur esnan cu a duna nan aporte na e sesion interactivo y informativo teni na ATIA. Ta invita un y tur pa sigui e medionan di comunicacion pa mas informacion relaciona cu e programa ehecutivo di Aruba Certification Program por medio di e website www.acp.aw y pagina di Facebook.

- Advertisement -

DUNA COMENTARIO

Please enter your comment!
Please enter your name here