Home Economia ATIA ta protesta contra aumento di salario entrante 1 di augustus 2017

ATIA ta protesta contra aumento di salario entrante 1 di augustus 2017

194
0
SHARE
- Advertisement -

ORANJESTAD    (AAN): Den un comunicado di prensa emiti diaranzon ATIA ta indica cu nan a tuma nota cu asombro cu entrante 1 di augustus gobierno ta anuncia, pa medio di prensa, cu salario ta subi cu 2%.

Representantenan di comercio manera ATIA, cu ta representa e gremio comercial cu lo mester paga e aumento aki, ni ta wordo scucha of informa oficialmente di e aumento retroactivo.

Gobierno atrobe ta hasi e costo di hasi negoshi na Aruba aumenta sin duna cuenta di e cifranan y instancianan cu normalmente ta wordo pidi pa conseho ora ta trata di ahuste di salario.

Indicadornan manera inflacion, presion ariba mercado laboral, consecuencia economico pa negoshi, ta parse no ta indicadornan cu ta wordo teni cuenta cune mas. e manera di introduccion aki ta carece di tur transparencia

Comercio lo mester bai inverti tempo di personal y ahuste den programa pa adapta e cambio di salario aki na mitar di un aña fiscal y paga e cuenta cu ta wordo impone ariba comercio di Aruba.

ATIA ta protesta energicamente contra e “modus operandis” aki. No por ta asina cu den nos un democracia no tin luga mas pa dialogo y cu den corant comercio tin cu tuma nota di cambionan cu ta afecta nan, y cu netamente nan mester paga.

E manera di a tuma e decision aki no por carga aprobacion di aATIA. ATIA semper ta dispuesto pa dialoga ariba posicionnan cu ta na beneficio di un comunidad, nos economia y comercio, pero no por aproba cu decisionnan cu netamente comercio lo carga su gasto, ta wordu introduci na e manera cu esaki ta tuma luga.

Den e dianan nos dilanti ATIA lo bay scucha su miembrecia y tur otro gremionan comercial pa fiha un posicion uni.

- Advertisement -

DUNA COMENTARIO

Please enter your comment!
Please enter your name here