Home Comentario Augustus a yega y ainda ningun Partido a presenta nan “Plan di...

Augustus a yega y ainda ningun Partido a presenta nan “Plan di Gobernacion”

70
0
SHARE
- Advertisement -

Reaccion di publico

ORANJESTAD (AAN): Ya caba luna di Augustus a yega, y algun ciudadano a reclama cu ainda nan no a ni mira un solo “Programa di Gobernacion” cu e Partidonan Politico a presenta pa Eleccion 2017.

“Falta apenas algun dia pa eleccion, y ainda nada di Programa”, un ciudadano a indica na DIARIO.  E kiermeen cu ainda pueblo no sa mes kico e contenido, e ideologia, y e plannan cu Partidonan tin pa saca Aruba di e problema financiero y economico cu tur hende ta pasando aden.

Un bleki di cuminda a bira masha caro mes.  Te ainda ningun Partido Politico a mustra ki plan nan tin pa reduci e costo sky-high pa importa cuminda via Waf di Aruba.  Ningun Partido a mustra cu nan lo tribi pa corta e gastonan aki, cu ta pone tur cos na Aruba, incluyendo comestible, wega pa mucha, articulo deportivo, y hasta material di construccion wordo bendi na prijs casi inalcanzable.

DIARIO a splica e ciudadano, cu por lo menos Partido POR a saca un “Plan di Accion” pa algun siman caba, y e ta pa nan por ricibi Feedback di Publico.  Unavez cu e feedback aki wordo analiza, Partido POR lo saca den di dos siman di Augustus, nan “Plan di Gobernacion”.

Pero e otro partidonan, tin algun candidato cu a hasta indica cu posiblemente nan lo no bin cu Programa tampoco, debi cu ya pueblo no ta interesa den e aspecto aki di campaña.

Aki a pensa bek riba e famoso dicho di “Campaña ta un cos, Goberna ta otro”.

 

- Advertisement -

DUNA COMENTARIO

Please enter your comment!
Please enter your name here